姚姚酸菜魚 (青衣城1) (已結業)

最近多咗北上消費，而且國內好多餐廳都以魚為主打，例如太二酸菜魚、姚姚酸菜魚等等，所以自己都食多咗魚。呢家鐘意食酸菜魚嘅朋友仔唔洗再返大陸都可以食到酸菜魚喇，今日同鍾意食魚嘅朋友仔嚟到青衣嘅姚姚酸菜魚開餐。三個人叫咗雙人套餐同麻辣香鍋，呢家姚姚仲出埋姚姚番茄魚比啲唔太食得辣嘅朋友仔。雙人套餐 CP 值都幾高，$338 蚊就已經食到酸菜魚、北京烤鴨 (半隻)同孜然椒鹽鴨架，雖然酸菜魚係精裝版，但份量都唔少，烤鴨同孜然椒鹽鴨架都好夠味。麻辣香鍋有多款配料可根據自己嘅喜好自由配搭，價錢有平有貴，而且配料份量非常多，三個人都食唔哂。