蘇杭冰室

营业中

休息中

上環區的茶餐廳有九成九的下午茶時間由 2:00 開始， 對精打細算的C9 而言， 午飯時份忍一忍就可以慳返十幾蚊， 日日咁慳慳地一個月就慳返唔小錢。言歸正轉， 今日講下 上環蘇杭街上的  2:30 到人流已散，冰室地方細細如果坐滿人都幾迫下。今天我可以一個人坐雙人枱都幾爽。點了 歡樂下午茶餐 T13 自選雙併菠蘿包 ~ 識食梗係食炒蛋 加 半溶芝士 聽到廚房大佬話無晒菠蘿包，樓面哥哥就即時撲出去買， 所以我吃到時新鮮出爐的包包。有圖有真相， 真係睇相都知個包有幾咁卜卜脆，菠蘿皮又香又脆， 包又鬆軟配埋半流心滑溜炒蛋， 嗶~ 好味到呢。。。絕對係近來吃過最正的有料菠蘿包。 加$9 奶茶紅豆冰堅大杯，阿姐好 Nice 主動幫我將杯紅豆冰放個靚位， 佢話咁影相會靚啲 我至愛既紅豆粒夠晒粉糯又咬到原粒，唔會好鬼甜， 不過嫌佢奶放太多，失去左應有的茶味。茶餐份量岩岩好，女仔食得飽， 會繼續幫襯 。