老媽拌麵 (將軍澳中心)

营业中

休息中

自己一直以來都好鍾意去食台式嘢，特別係鍾意食麵，平時去超級市場都成日買老媽拌麵嘅麵條，今次就決定去佢門市嗰度食。我哋兩個人，一人叫咗一碗麵同埋一杯飲品，另外再加多咗個小食，滷牛筋。我食嗰個係金華火腿干貝雞湯麵🍜，湯底好清，而且味精味唔濃，反而有好鮮嘅味道，啲車佢都面底可以免費加大，更加可以食得飽飽，佢啲雞肉都好滑好嫩口。另外一碗係佢嘅川味紅燒三寶牛肉麵，佢呢個牛肉麵一啲都唔辣，適合我呢啲唔太鍾意食辣嘅人，另外佢嘅牛肉亦都唔軔，咬落去仲有啲筋連埋一齊，幾好食。滷牛筋，滷水汁幾香濃，牛筋都好入味。另外我哋叫咗兩杯飲品，一杯係黑糖朱古力珍珠，幾甜幾香濃，另外一杯係普通嘅珍珠奶茶，茶味亦都好出。