潮食坊

营业中

休息中

店舖位處寶琳街市內，所以食客大多都喺附近嘅街坊，下午兩點幾入到去，每枱都有食客，睇黎生意都算唔錯！店舖名稱有個潮字，一睇都知喺食潮州嘢，睇餐牌果然喺，除咗潮州粉麵之外，還有打冷及小菜套餐。今次叫咗碗牛雜麵同牛腩麵，諗住想加碟油菜 ，但見餐牌寫要加23元，當堂嚇咗一跳，似乎太貴了，即刻打消咗念頭！牛什麵牛什份量都算多，湯底就唔喺好夠味，麵底就唔喺生麵，感覺喺全蛋麵，所以好一般，除咗牛腸炆得唔夠淋之外，其他如牛肺、金錢肚、牛膀同牛肚都夠淋。牛腩麵嘅牛腩份量唔喺好多，牛腩有好多肥膏但都夠淋同有牛肉味！