獅城星馬餐廳 (已結業)

印象中中環好少新加坡菜，想食碗叻沙最近都好似要去到上環蘇杭街，最近發現原來蘭桂坊有一間新加坡餐廳，今日終於試到了。肉骨茶好正，個湯好香，藥材味唔會太濃，我幾鍾意，配飯或者油炸鬼都一樣咁正。呢個蜆唔記得叫乜野名，不過又幾好食，夠新鮮，同埋個汁好夾個蜆。呢個麥皮蝦就真係真係驚喜，呢個菜式嘅精髓就喺D麥皮度，因為D麥皮吸收晒D蝦嘅精華，就好似食粉絲蟹煲嘅時候最好食嘅往往就係墊底嗰D粉絲。另外佢用嘅蝦都夠新鮮，所以有喜出望外嘅感覺。雖然呢間新加坡餐廳有Tiger啤，不過我見佢有Bitburger所以就想飲呢隻，印象中香港唔係好多地方有得飲。味道夠晒甘，好啱夏天飲。整體都唔錯，下次會再黎。