鹿角巷

营业中

休息中

經過久違嘅The Alley，買返杯鹿丸過下癮。當初The Alley岩岩黎香港嘅時候，我地係會真係排成半個鐘以上去飲，仲要不停去飲。The Alley做黑糖鹿丸真係好出色好入味👍🏻唔打唔撞試咗佢地嘅芝士奶蓋鹿丸鮮奶茶-鹿丸滑捋捋鹿丸滑捋捋 $36咁耐冇飲，連出咗芝士奶蓋都唔知，真係愧為當初嘅忠實fans。芝士奶蓋偏鹹，芝士味唔太重，唔溝埋野飲，係唔會太想淨食。而鮮奶茶茶味幾重，帶少少茶嘅苦澀，配埋鹿丸係不過不失。但鹿丸真係一食就心心眼😍😍😍，用黑糖煮到超級入味，口感好好，有嚼口唔硬心👍🏻咁多間黑糖珍珠，我個人都係比較鍾意The Alley同丸作，口感都係好好又入味。不過The Alley嘅話，我都係會推薦飲返平時嘅鹿丸鮮奶，香醇嘅奶味配鹿丸，清爽又好味。