榮安小食

营业中

休息中

朋友推介呢度嘅鹵水雞翼好味，我都特登黎食下，未黎之前都聽講過話間舖衛生情況比較差，所以已經有心理準備，黎到都真係真係幾唔理想，但見到一路都有客黎幫襯，相信呢度食物真係有水準。呢度有最低消費每人三十蚊，麵底6蚊，大約要揀多三，四個餸，碗麵嘅份量男士應該都唔係好夠飽。鹵水雞翼好入味，但都仲好大隻，冇點縮到水，好味。牛腩味道都ok, 但切到好細粒冇咬口。蘿蔔清甜冇渣。 整體黎講呢間車仔麵啲餸真係幾好食，尤其係鹵水雞翼。