農米莊 (豉油街)

营业中

休息中

最近同朋友去家樂坊磅重，雖然冇做運動，但見到附近有間主打鷄湯米線嘅「農米莊」，就決定試一試，想食返啲清淡啲嘅嘢。我揀咗自由配搭三餸米線，選咗東菇、豬扒同魚片頭，只需 $45，性價比算高。東菇厚身有咬口，魚片頭滑嫩無腥味，而豬扒煎得香口，肉質唔算好嫩但勝在夠味。最驚喜係湯底，鷄湯清香帶甜，唔油膩，飲落舒服又暖胃。朋友就點咗鷄肉米線，佢話鷄肉份量唔少，肉質嫩滑，配合米線一齊食都幾開胃。雖然餐廳裝潢比較簡單，但整體感覺整潔，出餐速度亦快，係一間適合快靚正食午餐嘅小店。