美心西餅 (沙田站)

营业中

休息中

我應該係男人入面，比較鍾意食甜品，可能受女友影響，之前日日陪食甜品。放工口淡淡，美心分店多，所以買美心，方便就腳嘛。美心幾時都咁多人，好多人係度買麵包，買蛋糕，我就研究緊買邊款蛋糕好，選擇真係多，不過好多都試過，亦唔係款款岩食。最近已經食了好多蛋糕，可以試下芒果撻。撻有五塊芒果，其實水果塔好難難食，因為得D水果，咁餅底就考工夫啦。芒果幾甜，中間有忌廉，可惜餅底真係淋，應該放耐左，淋左。如果餅底脆，我都會讚一讚。有時食餅好似碰運氣，有時餅好正，有時水準又會不似預期。