終於試得到傳說中用大石斑做嘅魚米之「香」，而食呢個餸，除咗要預早訂定之外，上菜嘅時候仲有指定步驟，就好似上面幅相咁首先係會上個魚片嘅。
然後就會喺魚片上面鋪滿炸到卜卜脆嘅米粒，魚米之「香」嘅咪就係講呢啲米粒。
1
跟手就會倒超級香濃嘅鮮魚湯落去，當啲湯遇到啲脆米你就會聽到shot shot聲。
1
大功告成，可以開動，因為條石斑夠大條，所以啖啖肉而且啲肉好厚身，佢蒸到啲魚肉啱啱好，所以好嫩滑，唔夠魚湯，自己仲可以斟，到到最後直頭就咁飲晒啲魚湯，超正。
佢個魚米之「香」係兩食，第二食就係炆班頭腩，呢個都好好食，好新鮮又多肉。
