Ha Noi 越南菜

营业中

休息中

同媽咪喺尖沙咀行完街，行到攰攰地媽咪話想搵個地方坐低食D野，聽朋友講重慶大廈地庫heath 21商場番新左，新開幾間餐廳，簡左間越南餐試下，門面裝修極花心思，裡面空間坐位空間充足，服務員好細心幫我地解介紹餐牌裡面既菜式 。扎肉湯檬 $67湯底香濃清淡的肉湯底，飲一啖唔會好肥油膩，檬粉煮得偏焾身連埋芽菜一齊食，扎肉食落夠晒彈牙，口感十足。軟殼蟹撈檬 $72軟殼蟹大大隻原隻一開兩上，炸得酥香脆口，檬粉煮得比較彈口，配埋自家調製的撈檬汁，令人食到停唔到口。每款湯粉都可以追加小食，越式炸蝦餅(細）$29炸蝦餅外表炸得金金黃黃，咬落口鬆脆，裡面既肉質爽嫩彈牙，點埋自家調製的甜酸醬，開胃十足。凍鹹檸七喜鹹檸檬的鹹加上檸檬的酸，仲有七喜的甜，鹹鹹酸酸甜甜，消滯一流 越南滴漏咖啡身為咖啡迷當然要試下呢度既越南滴漏咖啡，咖啡豆味道帶果香，配煉奶一齊食，味道幾易入口。