第三站

禮拜日出完街,另一半帶我嚟呢間樓上cafe☕️~喺正旺角鬧市中心,但成25樓咁高,個景原來幾好🪟~而且呢度仲有開心果甜品,勁期待😍😍!我哋叫咗個特式拼盤,除咗有炸魷魚🦑,炸魚手指🐟~我最鍾意就係佢嘅蜜糖雞翼🐔,脆脆地再加埋香甜嘅蜜糖🍯~佢嘅炸芝士條都好好食🧀,幾款小食我都好滿意~主食叫咗一個黑松露蟹肉黑醋沙律🥗~佢嘅蟹肉都幾大堆頭🦀,而且沙律菜好新鮮~配上濃濃嘅黑醋醬汁,啱晒唔食沙律醬嘅我👍~另一個叫咗黑松露帶子鮮雜菌燴意大利飯🍛~裏面有好多菇,亦都有粒粒帶子仔🦪~個飯燴得好入味,滿滿嘅忌廉同黑松露味道🍄~佢啲午餐仲包埋38蚊或以下飲品,我哋想飲朱古力🥤,只係加6蚊就有~而我最期待係呢個開心果麻糬提拉米蘇🧁!上檯睇落好靚,上面係滿滿嘅開心果碎同杜拜朱古力哥種脆脆🍫~中間嘅麵包吸咗咖啡,然後中間哥層仲要有大大塊麻糬🥰~鍾意開心果嘅朋友必試!之前去唔少cafe,但一直未嚟過呢間🫠~但實在一試成主顧💝~因為飲品唔錯,價錢合理,仲有正正嘅甜品😋~