吉豚屋吉列豬扒專門店

营业中

休息中

一直好鍾意食日式吉列豬扒，但香港無乜餐廳做到夠鬆脆，今次嚟到吉豚屋，估唔到佢嘅吉列炸物做得幾出色！.我哋叫了2個吉列豬扒 + 炸蝦定食。食物都幾快上檯，炸物熱辣辣仲炸得好鬆脆，真係即叫即炸。.定食配有甘味醬油蘿蔔漬，酸酸地又爽口，幾開胃的前菜。.炸豬扒好大件，外表好鬆脆，炸粉唔厚，豬扒都幾厚肉，做到有肉汁唔乾唔鞋；配埋酸酸甜甜的豬扒醬，好 match 好好食！.炸蝦有2大件，一樣係薄炸粉、好鬆化，蝦肉好厚好爽口，配埋沙律醬好好味😋.另外亦大讚呢個定食有好多菜！有半碟咁多！沾沙律醬食解油膩一流。.佢個野菜豚肉湯亦好好飲，唔會得個「死咸」嘅味精味道，飲得出有蔬果嘅鮮甜味。個湯有豚肉、洋蔥、紅蘿蔔、薯仔同蒟蒻一齊煮，難怪咁鮮甜！👍🏻.飲品方面，我哋叫了柑桔檸檬特飲及巨峰乳酸特飲。2杯都唔會太甜，幾好飲。