牛魔一人燒肉

营业中

休息中

牛魔係旺角開咗新分店。同尖沙咀唔同，呢間主要做一人燒肉，性價比高，牛肉高質。百幾蚊已經有和牛靚部位食。今次試吓M9和牛肉眼·牛肩肉套餐 $118就有100g ，+$70升級200g。餐已經包咗湯、沙律、白飯。同尖沙咀店一樣，主食一樣可以昇級。我個白飯就昇級咗做牛魔蘭王鵝肝炒飯。M9和牛肉眼又大塊又厚食，唔會好似紙咁薄。牛肩肉就比較有嚼頭，越咬越出味。嗰牛魔赧王鵝肝炒飯好食到黐晒線。蛋黃蛋黃溶咗喺鵝肝面，煎外脆內軟，個有味炒飯又索晒啲鵝肝同埋蘭王汁。基本上肉同埋嗰個炒飯我分開食一樣咁好味。總括嚟講佢係keep到尖沙咀店嘅質素，但係性價比高咗。