原來佢地新開張無耐, 個裝修環境都好舒服. MENU 選擇好多. 仲做埋甜品真係好有誠意.
咖哩軟殼蟹滑蛋包飯
呢個飯真係無得輸, 完隻軟殼蟹上, 炸得勁香脆, 滑蛋好香好嫩滑. 內藏咖哩醬, 每一啖都有咖哩好惹味. 份量仲超大份.
可加配沙律,餐湯, 蛋糕和飲品
特飲百香果沙冰超大杯, 唔會太甜好飲, 透心涼, 只係 +$12 抵.
柚子芝士蛋糕 酸酸地唔膩 口感絲滑.
黑椒牛柳粒炒飯
好多牛柳粒仲要係大大粒. 配埋洋蔥粟米菇一齊炒, 香氣撲鼻, 食落好香口,炒飯粒粒分明.夠乾身.
佢地個餐湯都好足料, 好濃郁, 配埋沙律, 又健康D .
抺茶芝士蛋糕作結, 非常滿足.
特別一提, 所有店員都好有禮, 招呼周到. 真心讚. 我肯定會再來.
茶意
香港寶琳貿業路8號新都城中心三期地下G08-09號舖
