影片
更多
2025-03-30
175 浏览
元朗人氣Café 💕 𝐁𝐫𝐚𝐯𝐚 𝐉𝐚𝐯𝐚 𝐂𝐨𝐟𝐟𝐞𝐞✨高質Brunch＋自家製巴斯克蛋糕😋.隱藏喺元朗富達廣場嘅小店「𝐁𝐫𝐚𝐯𝐚 𝐉𝐚𝐯𝐚 𝐂𝐨𝐟𝐟𝐞𝐞」，主打精品咖啡同即製Brunch💗仲有老闆每日親手炮製嘅巴斯克蛋糕🍰開放式吧枱配以藍白色瓷磚，成個環境chill到爆😎啱晒周末約埋三五知己嚟嘆返個下午茶👍🏻🔹 Brava Brunchin一上枱就聞到牛角窩夫既牛油香撲鼻，外層香脆，內裡蓬鬆。煙三文魚油脂分布似大理石紋，搭配creamy牛油果一啖咬落去，超夾～特別欣賞佢哋嘅炒蛋，加入咗淡奶油快炒，蛋汁係會流心嘅！大啡菇烤到剛好鎖住肉汁、香草薯粒係驚喜位，煎到金黃，散發陣陣迷迭香。🔹肉醬煙肉千層麵睇見拉絲嘅Mozzarella就已經流口水！千層麵層次分明得嚟唔會糊口，中間夾住香濃番茄肉醬，仲有煙肉碎增添燻香。最正係面層芝士烤到微焦，而且肉醬酸度調得剛剛好。☕ Hot Mocha口感細膩滑順、味道濃醇，師傅拉花手勢好穩，心形奶泡維持到飲完都唔塌！❄️ Cold Brew White必試招牌！用冷萃茶底撞牛奶，入口清爽、烘焙味濃，啖啖絲滑綿密，夏日飲真係透心涼～🔹鎮店之寶：開心果巴斯克蛋糕
元朗人氣Café 💕 𝐁𝐫𝐚𝐯𝐚 𝐉𝐚𝐯𝐚 𝐂𝐨𝐟𝐟𝐞𝐞✨高質Brunch＋自家製巴斯克蛋糕😋
.
隱藏喺元朗富達廣場嘅小店「𝐁𝐫𝐚𝐯𝐚 𝐉𝐚𝐯𝐚 𝐂𝐨𝐟𝐟𝐞𝐞」，主打精品咖啡同即製Brunch💗仲有老闆每日親手炮製嘅巴斯克蛋糕🍰開放式吧枱配以藍白色瓷磚，成個環境chill到爆😎啱晒周末約埋三五知己嚟嘆返個下午茶👍🏻
🔹 Brava Brunchin
一上枱就聞到牛角窩夫既牛油香撲鼻，外層香脆，內裡蓬鬆。煙三文魚油脂分布似大理石紋，搭配creamy牛油果一啖咬落去，超夾～特別欣賞佢哋嘅炒蛋，加入咗淡奶油快炒，蛋汁係會流心嘅！大啡菇烤到剛好鎖住肉汁、香草薯粒係驚喜位，煎到金黃，散發陣陣迷迭香。
🔹肉醬煙肉千層麵
睇見拉絲嘅Mozzarella就已經流口水！千層麵層次分明得嚟唔會糊口，中間夾住香濃番茄肉醬，仲有煙肉碎增添燻香。最正係面層芝士烤到微焦，而且肉醬酸度調得剛剛好。
☕ Hot Mocha
口感細膩滑順、味道濃醇，師傅拉花手勢好穩，心形奶泡維持到飲完都唔塌！
❄️ Cold Brew White
必試招牌！用冷萃茶底撞牛奶，入口清爽、烘焙味濃，啖啖絲滑綿密，夏日飲真係透心涼～
🔹鎮店之寶：開心果巴斯克蛋糕
見到黑板寫住「Today’s Special」即刻落單！面頭有超香濃開心果醬配開心果碎，切開湧出流心餡。每啖都食到細碎果仁粒，芝士餡濃郁帶微微鹹香，帶黎外層焦香、內裏半熟布丁既口感。
✎ 後記
特別欣賞餐廳堅持即叫即製，成間店都充滿咖啡同牛油香～溫馨提示：周末1點後勁多人，想食記得早D到場！
Brava Java Coffee✨
📍元朗西菁街23號富達廣場地下118號舖
张贴
