影片
更多
2020-02-27
145 浏览
今晚同朋友第一次到呢間餐廳，覺得裝修好新，座位闊落，環境唔錯。打開餐牌，原來唔係只有點心，仲有飯麵小炒燉湯煲仔飯火鍋 .... 款式好多啊！我哋總共叫咗四個點心同一個煲仔飯：蜜汁叉燒腸粉，金黃鮮肉窩貼，薑葱牛柏葉，晶瑩海蝦餃，鴛鴦腸蛋黃煲仔飯 。比起普通酒樓，呢度嘅點心絕對係高水準 - 叉燒腸粉粉皮唔厚好滑，蜜汁叉燒唔肥好食；鮮肉窩貼煎得好靚，底部微微金黃，肉餡新鮮，呢個窩貼係我至愛；薑葱牛柏葉同晶瑩海蝦餃同樣出色，半透明嘅蝦餃皮夠薄夠軟，海蝦爽口彈牙兼有肉汁，好正！鴛鴦腸蛋黃煲仔飯，臘腸潤腸加鹹蛋黃，冇用臘肉咁肥膩，一打開煲蓋，香味撲鼻而來，落埋豉油撈一撈更香到不得了，我哋連飯焦都食埋，呢個煲仔飯係跟一碟菜心上的，份量足二人食。總括食物質素好，員工服務殷勤，環境佳，不失為一個親友聚脚飯局好地方。
我哋總共叫咗四個點心同一個煲仔飯：
蜜汁叉燒腸粉，金黃鮮肉窩貼，薑葱牛柏葉，晶瑩海蝦餃，鴛鴦腸蛋黃煲仔飯 。
比起普通酒樓，呢度嘅點心絕對係高水準 - 叉燒腸粉粉皮唔厚好滑，蜜汁叉燒唔肥好食；鮮肉窩貼煎得好靚，底部微微金黃，肉餡新鮮，呢個窩貼係我至愛；薑葱牛柏葉同晶瑩海蝦餃同樣出色，半透明嘅蝦餃皮夠薄夠軟，海蝦爽口彈牙兼有肉汁，好正！
鴛鴦腸蛋黃煲仔飯，臘腸潤腸加鹹蛋黃，冇用臘肉咁肥膩，一打開煲蓋，香味撲鼻而來，落埋豉油撈一撈更香到不得了，我哋連飯焦都食埋，呢個煲仔飯係跟一碟菜心上的，份量足二人食。
總括食物質素好，員工服務殷勤，環境佳，不失為一個親友聚脚飯局好地方。
张贴
