影片
更多
2020-07-24
1481 浏览
點一龍 (荃灣)-輕鬆小分享～ 本來諗住同屋企人飲茶，點知見到間好抵食嘅點心放題，即係梗係去試吓啦！$188 就有得任食點心🤤 埋單連加一每人大約都係$200～-講吓嘢食先～ 當中點心任食有好多款選擇，每位都會送瑞士雞翼同埋燕窩蛋撻（冇得任食），但講真，反而呢兩款嘢食係最唔吸引😂 可能因為食點心放題嘅話每位都會送嘅食物，所以一早整定晒，雞翼可以話完全凍哂，蛋撻更加誇張，蛋同埋個撻係分開嘅，跟住蛋撻極度唔新鮮不在話下，撻皮勁冧，蛋漿不知所謂完全冇味，只係上面加咗少少燕窩就當好特別？不過係送嘅呢兩樣野唔吸引，其他點心都係好高質嘅！-任食點心選擇多，值得推介👍🏻 每一款都好新鮮，而且每款份量都好大😳 仲以為放題係會做迷你size 等你唔夠先至再嗌。聽店員所講，原來全部點心放題叫嘅點心都係同平時叫點心一樣嘅份量。-龍蝦湯麵🍜 龍蝦湯底味濃，而且好有鮮味，淨係飲佢個湯底都夠正！牛腩麵啲牛腩炆得好琳，食落去勁吸引，而且牛腩湯底好重牛腩味，亦都好清甜，兩碗面都係好值得推介，不過任食點心就唔好食咁多咁飽肚嘅carbohydrate 了😂 其他點心亦都好出色，小籠包皮薄餡靚而且亦都好多汁🤤 蝦餃燒賣不過
-
輕鬆小分享～ 本來諗住同屋企人飲茶，點知見到間好抵食嘅點心放題，即係梗係去試吓啦！$188 就有得任食點心🤤 埋單連加一每人大約都係$200～
-
講吓嘢食先～ 當中點心任食有好多款選擇，每位都會送瑞士雞翼同埋燕窩蛋撻（冇得任食），但講真，反而呢兩款嘢食係最唔吸引😂 可能因為食點心放題嘅話每位都會送嘅食物，所以一早整定晒，雞翼可以話完全凍哂，蛋撻更加誇張，蛋同埋個撻係分開嘅，跟住蛋撻極度唔新鮮不在話下，撻皮勁冧，蛋漿不知所謂完全冇味，只係上面加咗少少燕窩就當好特別？不過係送嘅呢兩樣野唔吸引，其他點心都係好高質嘅！
-
任食點心選擇多，值得推介👍🏻 每一款都好新鮮，而且每款份量都好大😳 仲以為放題係會做迷你size 等你唔夠先至再嗌。聽店員所講，原來全部點心放題叫嘅點心都係同平時叫點心一樣嘅份量。
-
龍蝦湯麵🍜 龍蝦湯底味濃，而且好有鮮味，淨係飲佢個湯底都夠正！牛腩麵啲牛腩炆得好琳，食落去勁吸引，而且牛腩湯底好重牛腩味，亦都好清甜，兩碗面都係好值得推介，不過任食點心就唔好食咁多咁飽肚嘅carbohydrate 了😂 其他點心亦都好出色，小籠包皮薄餡靚而且亦都好多汁🤤 蝦餃燒賣不過不失；瑤柱雞球粥亦都好入味；流沙奶黃包包皮出色，奶黃夠流心。不得不讚雲影叉燒包（香脆系列脆皮叉燒包）外皮香脆，但又唔會散晒出嚟。仲有好多款點心，任食點心來講算高質，選擇亦都好豐富，值得一試～
-
📍 點一龍 (荃灣)
荃灣楊屋道8號如心廣場商場一期地下G01A號舖
📍 點一龍 (尖沙咀)
尖沙咀廣東道3-27號海港城港威商場地下G103號舖
张贴
