影片
更多
2023-04-12
399 浏览
百樂酒店今期嘅自助餐主題係「鮑燕盛會」，主打各款鮑魚燕窩製成嘅食品，菜品都幾特別同多款式！每位入座會有金湯花膠鮑魚鍋，有一條海參一粒原隻鮑魚，配上南瓜嘅上湯底，成個湯羹都好鮮甜，超級足料！仲有一個甲羅燒，蟹蓋裏面係滿滿嘅蟹膏，加上魚子，搽喺香脆嘅米餅上面食，鮮味十足！------------------------------🦐▪️ 海鮮佢呢度嘅凍海鮮款式唔算太多，出乎意料竟然有麵包蟹，仲有青口、白蜆、海蝦同埋蟹腳。當中比較出色嘅係麵包蟹同埋海蝦，麵包蟹份量十足，裏面嘅蟹膏都好夠；海蝦彈牙鮮甜，點埋佢哋嘅咯嗲汁，酸酸辣辣咁，提鮮效果不錯～🍣▪️ 刺身壽司刺身方面有三文魚、鯛魚、帝王蟹柳、希靈魚同八爪魚，每份魚生好大份，每片都係厚切，但係略唔夠鮮甜呢～🥗▪️ 冷菜 佢嘅cold cut有煙三文魚、凍肉同三款芝士🧀、水果等，同場仲有幾款唔同嘅沙律～🔥▪️ 熱食佢熱食嘅選擇好多，有好多鮑魚燕窩嘅種類，當中比較出色嘅係、鮑魚豆乾雜菜酥皮盒、燕窩鮑魚蒸蛋、鮑魚鱈魚膠鮑螺片扒時蔬，另外薑蔥蠔皇鮑汁炒蟹同埋芝士焗生蠔都值得一試～另外仲有啲中式嘅湯，必試佢嘅主題老火湯，花膠姬松茸蟲草花燉雞湯，冇味精好鮮甜～仲
每位入座會有金湯花膠鮑魚鍋，有一條海參一粒原隻鮑魚，配上南瓜嘅上湯底，成個湯羹都好鮮甜，超級足料！仲有一個甲羅燒，蟹蓋裏面係滿滿嘅蟹膏，加上魚子，搽喺香脆嘅米餅上面食，鮮味十足！
------------------------------
🦐▪️ 海鮮
佢呢度嘅凍海鮮款式唔算太多，出乎意料竟然有麵包蟹，仲有青口、白蜆、海蝦同埋蟹腳。當中比較出色嘅係麵包蟹同埋海蝦，麵包蟹份量十足，裏面嘅蟹膏都好夠；海蝦彈牙鮮甜，點埋佢哋嘅咯嗲汁，酸酸辣辣咁，提鮮效果不錯～
🍣▪️ 刺身壽司
刺身方面有三文魚、鯛魚、帝王蟹柳、希靈魚同八爪魚，每份魚生好大份，每片都係厚切，但係略唔夠鮮甜呢～
🥗▪️ 冷菜
佢嘅cold cut有煙三文魚、凍肉同三款芝士🧀、水果等，同場仲有幾款唔同嘅沙律～
🔥▪️ 熱食
佢熱食嘅選擇好多，有好多鮑魚燕窩嘅種類，當中比較出色嘅係、鮑魚豆乾雜菜酥皮盒、燕窩鮑魚蒸蛋、鮑魚鱈魚膠鮑螺片扒時蔬，另外薑蔥蠔皇鮑汁炒蟹同埋芝士焗生蠔都值得一試～另外仲有啲中式嘅湯，必試佢嘅主題老火湯，花膠姬松茸蟲草花燉雞湯，冇味精好鮮甜～
仲有中西式嘅肉類檔，有片皮鴨同埋牛肉眼🥩，味道正常發揮～佢個烤羊架整得幾出色💗，騷味啱啱好燒得好香，外脆內嫩，有咬口又唔韌！仲有好多款式嘅咖喱，可以即刻夾埋佢啲油酥餅同埋印度薄脆食～
🍨▪️ 甜品
佢有九款口味嘅Movenpick雪糕：薄荷朱古力、青檸雪葩、楓糖合桃、咖啡、意大利奶凍、法式焦糖燉蛋、熱情果芒果雪葩、士多啤梨同埋瑞士朱古力，拎返幾球雪糕同佢講即製窩夫食，一凍一熱，仲要keep住嗰種脆脆地嘅口感，呢個食法真係一流！
佢仲有多款甜品杯同埋蛋糕切餅，佢個曲奇朱古力慕絲杯嘅可可味比較濃郁；斑蘭椰子味都幾出，仲帶有少少奶香～蛋糕切餅就有什莓乳酪慕絲、朱古力布朗尼、焦糖咖啡慕絲、櫻花益力多藍莓凍餅、豆腐慕絲同Tiramisu，個人比較鍾意焦糖咖啡慕絲同埋豆腐慕絲，慕絲口感比較實淨～
☕️▪️ 飲品
自助吧有提供咖啡、茶、汽水等飲品
🌟Encore指數：8.5/10
------------------------------
酒店自助餐款式唔算太多，凍海鮮嘅表現都相對普通，反而熱食同甜品係做得唔錯，食材用料都幾高質，回本都冇乜難度🤩～
张贴
