新記雞粥 (鴻禧大廈) (已結業)

馳名雞粥茶餐廳，週日黃昏6點幾，旺角這個旅遊區除了本地人也吸引了不少想食好嘢的旅客去食，店內裝修為正常茶餐廳格局，座位整齊分兩邊坐，服務員有提供水作簡單清洗餐具之用，下單是採取自助型式，客人用二維碼自行下單，食物叫咗紅燒元朗脆皮乳鴿、黃鱔粥加肉丸、貴妃雞蠔仔粥、杞子枸杞豬潤湯及自家製五花茶.乳鴿香脆啖啖肉，顏色燒得色澤均勻，黃鱔肉丸同貴妃雞蠔仔粥，粥底夠綿，肉丸大粒，雞夠滑，黃鱔本身有醃過夠味，蠔仔無沙，豬潤湯用料十足，好多杞子豬潤，豬潤爽口，五花茶清涼，味道有啲似龜苓膏，服務也不錯，整體來講不錯.