影片
更多
2024-05-21
349 浏览
💁♀️💁♂️ 09/05/2024(Thu), Dinner🍽之前聽朋友介紹過牛站嘅台式火鍋放題價錢唔貴，而且食物質素又好，值得去試咁話。💁♀️💁我哋兩個又諗起都有一排無食過火鍋🥘，於是今晚放工後，就訂定枱去牛站食返餐先😋😋😋。上到餐廳嘅樓層見到餐廳都裝修都光猛新淨，坐得都闊落舒服，最重要係個電磁爐火力都好足夠，放完食物都好快滾返起。而今晚我地order咗：🔆 SRF美國🇺🇸極黑和牛片（$298+10%）餐廳有三款唔同價位嘅餐，價錢分別在於牛嘅質素同海鮮嘅種類。我哋就選咗中價嘅餐，牛肉方面可以揀SRF美國🇺🇸極黑和牛片、美國🇺🇸安格斯牛板腱、封門柳等，而海鮮就有帆立貝、墨魚🦑、花膠、海蔘、脆鯇魚片等等，選擇都好多。湯底方面餐廳有10款湯底可以選擇，多心嘅我哋就加咗$48要鴛鴦湯底，兩款自選嘅湯底分別係清甜椰子🥥雞🐔鍋同埋牛站秘製麻辣鍋（中辣）。兩款湯底都好高質素，當中以椰子🥥雞🐔鍋就較得為食妙妙歡心，湯入面好足料，有唔少嘅椰肉、杞子、紅棗等材料，飲落有濃濃嘅椰子味，味道清甜。而雞件都唔少，趁煮熟後食落都嫩滑好食。另外牛站秘製麻辣鍋，面層有一層紅紅嘅辣油，內裏有唔少香料、藥材等等，既麻又
💁♀️💁♂️ 09/05/2024(Thu), Dinner🍽之前聽朋友介紹過牛站嘅台式火鍋放題價錢唔貴，而且食物質素又好，值得去試咁話。💁♀️💁我哋兩個又諗起都有一排無食過火鍋🥘，於是今晚放工後，就訂定枱去牛站食返餐先😋😋😋。
上到餐廳嘅樓層見到餐廳都裝修都光猛新淨，坐得都闊落舒服，最重要係個電磁爐火力都好足夠，放完食物都好快滾返起。
而今晚我地order咗：
🔆 SRF美國🇺🇸極黑和牛片（$298+10%）
餐廳有三款唔同價位嘅餐，價錢分別在於牛嘅質素同海鮮嘅種類。我哋就選咗中價嘅餐，牛肉方面可以揀SRF美國🇺🇸極黑和牛片、美國🇺🇸安格斯牛板腱、封門柳等，而海鮮就有帆立貝、墨魚🦑、花膠、海蔘、脆鯇魚片等等，選擇都好多。
湯底方面餐廳有10款湯底可以選擇，多心嘅我哋就加咗$48要鴛鴦湯底，兩款自選嘅湯底分別係清甜椰子🥥雞🐔鍋同埋牛站秘製麻辣鍋（中辣）。兩款湯底都好高質素，當中以椰子🥥雞🐔鍋就較得為食妙妙歡心，湯入面好足料，有唔少嘅椰肉、杞子、紅棗等材料，飲落有濃濃嘅椰子味，味道清甜。而雞件都唔少，趁煮熟後食落都嫩滑好食。
另外牛站秘製麻辣鍋，面層有一層紅紅嘅辣油，內裏有唔少香料、藥材等等，既麻又辣，而且呢度嘅辣並唔係死辣，食落係香辣嘅感覺。用呢邊湯底煮過嘅食材都吸收咗湯嘅麻辣味道，加埋香口嘅紅油，最適合煮一啲比較吸味嘅食材。
食材方面A先生最期待嘅就係SRF嘅牛肉，之前都買過SRF嘅牛扒返屋企煮，又或者喺餐廳食到，都覺得呢個品牌嘅牛肉平衡到油花同肉味，質素好好👍🏻。餐廳呢度每次order送上嚟嘅牛肉每片都係鮮嫩嘅紅色，油花分布平均，每片都大過A先生嘅手掌✋🏻，放入鍋入面輕輕灼幾秒，牛肉仍帶點粉紅色嘅狀態入口，食落有牛肉嘅肉味亦都油脂嘅香味。
除咗SRF美國🇺🇸極黑和牛片，我哋都叫咗封門柳同牛肩胛肉，封門柳就比較有咬口同濃味，而牛肩胛肉都幾多油花，食落嫩滑。
其他食物仲有為食妙妙每次火鍋必叫嘅雞子，每粒都大大粒又無異味；帆立貝煮過後都彈牙好食；花膠煮軟後配鮮甜嘅椰子🥥雞🐔湯感覺滋潤；另外值得一提嘅有竹笙釀蝦滑，將彈牙蝦滑釀入竹笙入面，灼熟之後結合蝦滑嘅彈牙以及爽口吸湯嘅竹笙，味道有驚喜😋。
除咗落單點嘅食材，仲有自助吧可以拎到嘅蔬菜類、丸類、炸物同小食等，其中牛柏葉放喺秘製麻辣鍋灼完之後，爽口嘅牛柏葉配上麻辣嘅味道再加上紅油嘅刺激感覺，味道不錯。厚切嘅炸午餐肉同樣吸收咗麻辣味道，亦都不能錯過；蔬菜方面種類都唔少，我哋今晚主要食豆苗、羽衣甘藍同冰菜，放入湯底煮一陣就夠晒爽脆。
甜品方面有一個蛋糕櫃，入面放滿細細件嘅蛋糕🍰仔，款式眾多；亦有雪糕櫃同雪糕機。飲品都有大量選擇，由汽水🥤、茶飲、果汁、椰青水，到酒類如冷熱清酒🍶、梅酒、啤酒🍻、果酒都有。
🔆🔆🔆🔆🔆🔆🔆🔆🔆🔆🔆🔆🔆
❤🙆♂️(A先生)整體食評：9/🔟
❤🙆♀️(為食妙妙)整體食評：9/🔟
👉🏻 食物選擇多，上枱速度快又無漏單或者俾少咗嘅情況👍🏻
A先生車友指數 🚗
🛣️ 交通容易指數：🚗🚗🚗🚗🚗(5/5)
🅿️ 泊車容易指數：🚗🚗🚗🚗(4/5)
👉🏻 泊車建議考慮時代廣場🅿️，有大量車位，而泊車優惠又唔難拎
👉🏻 港鐵🚇出口可以由銅鑼灣廣場一期出，過條馬路就係銅鑼灣廣場二期，另外巴士🚌、小巴都可以輕易到達
🔆🔆🔆🔆🔆🔆🔆🔆🔆🔆🔆🔆🔆
张贴
