影片
更多
2022-07-15
399 浏览
高質潮州菜😊炎炎夏日，往往都無咩胃口。一碟豬腳凍作為頭盤無疑係最好嘅開胃菜。豬蹄筋彈牙筋道，口感爽脆，點上蒜蓉白醋更顯清涼鮮美。可能好多人都唔知普寧豆腐表皮嘅酥脆唔係靠麵粉，而係本身嘅豆皮接觸熱油快速脫水形成嘅酥脆。 食嘅時候蘸上韭菜鹽水，咬落去時發出嘅咔嚓聲令人相當著迷。內里柔軟棉滑嘅豆腐，舌頭輕輕一抿，豆香瞬間滿溢口腔，風味相當獨特。對於例湯，我通常不抱希望。但打開燉盅蓋嘅嗰一刻，被滿滿嘅湯料震驚。今日係玉竹沙參燉豬展，內里仲加入雞腿及花膠。湯好甜，豬展雞腿好香，花膠好滑。作為好少食湯渣嘅我，竟然食晒成碗湯渣，下次會為咗碗燉湯而去。石榴雞乃傳統名菜，極考功夫，薄如蟬衣嘅蛋白皮包住以冬菇、竹筍及雞粒炒製成嘅餡料，再放入蒸籠蒸制。輕輕夾起一件石榴雞，餡料在蛋皮下若隱若現，極為誘惑。係最飽滿嘅地方咬一啖，濃郁嘅肉汁涌出來極為滿足。至於潮州粗炒麵，老員工忍唔住上前介紹，呢道菜係佢哋最愛嘅宵夜。現剝嘅蝦仁、肉絲、香蔥等等雖為日常食材，粗面睇落亦平平無奇。但食落口就知點解會係老員工嘅至愛。面爽滑，蝦爽脆，火候十足，越食越香，停唔到口。最後以潮州特色甜品清心丸福果綠豆爽做埋尾，清清甜甜，夏日嘅暑
炎炎夏日，往往都無咩胃口。一碟豬腳凍作為頭盤無疑係最好嘅開胃菜。豬蹄筋彈牙筋道，口感爽脆，點上蒜蓉白醋更顯清涼鮮美。
可能好多人都唔知普寧豆腐表皮嘅酥脆唔係靠麵粉，而係本身嘅豆皮接觸熱油快速脫水形成嘅酥脆。
食嘅時候蘸上韭菜鹽水，咬落去時發出嘅咔嚓聲令人相當著迷。內里柔軟棉滑嘅豆腐，舌頭輕輕一抿，豆香瞬間滿溢口腔，風味相當獨特。
對於例湯，我通常不抱希望。但打開燉盅蓋嘅嗰一刻，被滿滿嘅湯料震驚。
今日係玉竹沙參燉豬展，內里仲加入雞腿及花膠。湯好甜，豬展雞腿好香，花膠好滑。作為好少食湯渣嘅我，竟然食晒成碗湯渣，下次會為咗碗燉湯而去。
石榴雞乃傳統名菜，極考功夫，薄如蟬衣嘅蛋白皮包住以冬菇、竹筍及雞粒炒製成嘅餡料，再放入蒸籠蒸制。輕輕夾起一件石榴雞，餡料在蛋皮下若隱若現，極為誘惑。係最飽滿嘅地方咬一啖，濃郁嘅肉汁涌出來極為滿足。
至於潮州粗炒麵，老員工忍唔住上前介紹，呢道菜係佢哋最愛嘅宵夜。現剝嘅蝦仁、肉絲、香蔥等等雖為日常食材，粗面睇落亦平平無奇。但食落口就知點解會係老員工嘅至愛。面爽滑，蝦爽脆，火候十足，越食越香，停唔到口。
最後以潮州特色甜品清心丸福果綠豆爽做埋尾，清清甜甜，夏日嘅暑氣全消，成個人舒服曬😍😍
张贴
