泰皇閣泰國菜館

营业中

休息中

今晚入九龍城食泰國菜，揀咗呢間泰皇閣，舖頭細細但好好生意，好彩有訂位〜坐低叫咗杯龍眼冰解渴先，好清甜，好多龍眼肉，十分有誠意！菜式方面，要咗個必食的生蝦刺身，處理得好乾淨，新鮮彈牙，特別是個酸酸辣辣泰式醬汁，唔係死辣，同生蝦好夾。蝦餅拼春卷，一次過滿足哂兩個願望；蝦餅炸得好靚，鹹香味相當重；春卷外皮香脆、內餡多汁，而且裡面啲木耳紅蘿蔔好多好足料，最喜歡呢道菜。另外老闆推薦蒸魚，就即管試一試個盲曹魚，十分新鮮又嫩滑，無介紹錯。仲要咗個海鮮炒飯，水準以上，好滿意。