第三站

同朋友成年冇見，梗係要搵間舒服嘅餐廳坐低慢慢傾，想講呢間樓上Cafe啲嘢食勁高質，啱啱返嚟香港嘅我非常滿足，首先上枱嘅係日式炸餃子，外脆內軟，而且隔咗所有油，食入口唔會好油膩，主菜我哋點咗黑松露帶子鮮菌燴意大利飯，口感非常Creamy，完全震驚到我，芝士同松露融合得非常好，而且好足料，菇菌同帶子都好夠，仲有個香蒜白酒蜆肉意粉，意粉乾爽彈牙，多蜆肉好咬口，飲品我揀左熱紅茶消膩又甜，甜品大力推介開心果麻糬tiramisu，裏面煙煙韌韌，滿滿的開心果碎，再加濃濃的酒香，係個完美既ending!💜🥳🥳