東京街日本料理 (西洋菜南街)

营业中

休息中

前菜我哋叫左個牛油果沙律，蔬菜類非常新鮮，沙律醬夠曬撈，生菜爽爽聲架，跟住叫左個菊一人壽司定食，因為啲款式可以滿足晒我同男朋友嘅願望，包括三文魚、原隻北寄貝，油甘魚、章紅魚、甜蝦、帶子、鮮藍鯺赤身，鮮八爪魚，池魚，加洲卷，全部手握壽司，醋飯同刺身比例啱啱好，最中意食佢個甜蝦十分鮮甜，記得朋友推介過怪獸壽司，於是我哋就嗌埋怪獸三文魚腩壽司同怪獸鰻魚壽司，上枱就明個名點樣得黎，真係超級巨型，鰻魚汁種甜味，其實壽司唔洗wasabi都夠曬味，三文魚腩更加唔使講，個種魚腩既油脂感充滿着口腔，好幸福呀！日本海膽軍艦同澳洲生蠔都係黎東京街必食！滿溢既海膽，非常濃郁既海水味，加埋海膽嫩滑入口即溶，齒頰留香，食完生冷野就食返個北海道海鮮鍋，湯底出色，好好飲，清甜豬骨湯加粗粉絲、金針菇、冬菇、大蝦、青口等雜菜同海鮮，湯底吸收曬所有精華，難怪味道咁清甜😋😋