本場

营业中

休息中

話說最近燒肉癮起～試咗呢間燒肉放題都幾高質😋～套餐總共分咗幾種當天就選了是上品牛肩胛放題🔥‼️肉類有很多選擇🥩坐低後會先上一盤和牛拼盤～ 之後再可以自助order肉肉大推佢哋嘅炸芝士年糕！外皮炸到金黃香脆，入面嘅年糕軟糯彈牙，最正係仲有芝士餡，拉絲拉到好長！一啖咬落去，芝士香同年糕嘅香甜完美配合。牛油本菇都係推介，啲菇仔新鮮靚靚，燒到啱啱好嘅時候，個牛油香同菇菌香完美融合，一啖咬落去仲會爆汁添！最啱係兩片肉之間食下呢啲配菜，可以中和返個味！牛胸腹啲肉紋理好靚，油花分佈得好均勻，燒到七八分熟嘅時候最啱食。一啖咬落去，個肉質軟嫩多汁，啲油花即刻溶喺口裡面！頂級肩脊肉就更加令人驚喜！呢個部位嘅油花分佈好靚，燒到五六分熟就最啱食，個肉質嫩滑多汁，一咬落去成個肉汁都爆晒出嚟！最正係牛肉香特別濃郁，另外，骨付牛肋肉絕對係重點推介！呢個部位最特別係貼住骨邊位特別香，燒到啱啱好嘅時候，成塊肉香噴噴，食落連埋骨位都香！