喫茶ちょうぼ

营业中

休息中

基本上次次行過都俾哩間餐廳吸引，感覺好似去左日本咁，室內裝修好靚，高樓底採光度十足。我地咁啱黃昏入座，暖暖的陽光曬入黎，靚景+食物擺盤靚，點影都靚。仲有好多人帶埋狗仔嚟，變咗寵物Cafe咁，好有愛🥰壽喜燒牛肉蛋包飯🙌🏻🙌🏻🙌🏻店員上菜會幫手切開蛋包飯然後淋個汁上面。超好味嘅壽喜燒汁，係日本嘅味道，牛肉超腍而且份量多。炸軟殼蟹扁意粉🙌🏻🙌🏻🙌🏻唔知係咪因為吉列炸皮，所以隻蟹嘅形狀好突出，成隻玩具蟹咁😂 炸得非常脆同埋熱辣辣，咬開出晒煙，而且蟹膏超級多🤩蕃茄汁好濃，扁意粉好掛汁，蕃茄控實鍾意！日式炸雞翼都係新鮮即炸，個汁甜甜地幾特別。極•日式布甸船布甸好滑而且蛋味重，唔會太甜。Lotus cheesecake 芝士味勁濃，口感幼滑，有驚喜！白桃梳打新鮮白桃味，唔會死甜熱焙茶牛乳🙌🏻🙌🏻🙌🏻勁靚logo，超濃焙茶味，茶同奶比例剛剛好，飲落去暖胃好舒服😌夜景都好靚架。