芝加哥串燒酒場

二訪中環依間「芝加哥串燒酒場」試下佢哋Menu嘅其他菜式先，今餐嘅蟶子皇、鮑魚、泰式生蝦都好好味，好鍾意，而且價錢上都幾相宜，高CP值。*此餐廳收取加一服務費。4隻香蔥燒蟶子皇（單點$216），好大隻，食落啖啖肉，食落鮮味十足，配以香蔥、炸蒜食用，味道更佳。3隻香蒜燒鮮鮑魚（單點$82），表面鋪滿香蔥、炸蒜，鮑魚口感彈牙，食落帶有牛油香味。泰式生蝦刺身（單點$78），生蝦肉質爽口，配以泰式海鮮醬、指天椒、蒜片食用，味道酸辣。招牌珍寶生蠔串（單點$68），生蠔肉質飽滿，味道鮮甜，略嫌生蠔大小未至於珍寶生蠔。燒黑松露帶子（單點$68），帶子肉質厚實，略嫌黑松露醬份量少，食落未夠香口。燒汁極品牛頸脊（單點$39），肉質嫩滑，配以日式燒汁食用，味道鹹甜。安格斯牛肉露筍串（單點$38），安格斯牛肉食落帶點焦香味道，配以露筍食用，味道清新。一口和牛串（單點$32），牛味濃厚。紫菜年糕串（單點$28）。燒蜜糖叉燒（單點$23）。烤魷魚（單點$20），魷魚乾口感軟硬適中，配以美乃滋、黑芝麻、辣椒粉食用，食落好惹味。香辣雞翅包飯（單點$19）。鹽燒雞軟骨（單點$16），表面鋪有海鹽，雞軟骨口感爽脆。降火