影片
更多
2022-08-30
64 浏览
今次黎到西營盤新開既誠記小籠包，位於西營盤C出口斜對面既Starbucks後面，非常方便。原來佢地之前係醫局街已經開左好多年，開左咁耐仲搬新舖相信一定有保證👍蟹粉小籠包即叫即蒸，熱辣辣超多湯爆晒汁！皮厚薄適中口感煙韌，蟹粉有蟹膏香，味道岩岩好又唔會蓋過豬肉既味道🤤🤤🤤酸辣湯水餃酸辣湯材料非常豐富，有筍絲、香菇絲、肉絲、豆腐絲、木耳絲、薑絲、蛋絲、仲有蝦仁😳水餃有四粒，大大粒，皮少少厚得黎咬落又唔會好粉，而且菜肉比例平均醉雞個汁好香花雕味，雞肶同肉都好淋好滑，皮爽脆得黎唔覺肥，平時唔食雞皮既我都食埋～😆擔擔麵呢個真係好食過好多上海店，個湯超濃非常重花生香，完全掛晒係麵條上，夾埋肉碎食好滿足😋😋😋豆漿好香豆味，甜度剛剛好，唔會好似好多地方咁得個死甜真心推介呢間誠記，店如其名食物高質有誠意，服務都好貼心，下次想食上海菜都會專登再過黎😍😍😍
今次黎到西營盤新開既誠記小籠包，位於西營盤C出口斜對面既Starbucks後面，非常方便。原來佢地之前係醫局街已經開左好多年，開左咁耐仲搬新舖相信一定有保證👍
蟹粉小籠包
即叫即蒸，熱辣辣超多湯爆晒汁！皮厚薄適中口感煙韌，蟹粉有蟹膏香，味道岩岩好又唔會蓋過豬肉既味道🤤🤤🤤
酸辣湯水餃
酸辣湯材料非常豐富，有筍絲、香菇絲、肉絲、豆腐絲、木耳絲、薑絲、蛋絲、仲有蝦仁😳
水餃有四粒，大大粒，皮少少厚得黎咬落又唔會好粉，而且菜肉比例平均
醉雞
個汁好香花雕味，雞肶同肉都好淋好滑，皮爽脆得黎唔覺肥，平時唔食雞皮既我都食埋～😆
擔擔麵
呢個真係好食過好多上海店，個湯超濃非常重花生香，完全掛晒係麵條上，夾埋肉碎食好滿足😋😋😋
豆漿好香豆味，甜度剛剛好，唔會好似好多地方咁得個死甜
真心推介呢間誠記，店如其名食物高質有誠意，服務都好貼心，下次想食上海菜都會專登再過黎😍😍😍
张贴
