影片
更多
2023-03-20
224 浏览
同屋企人出去食，食中菜就啱晒，可以叫餸食飯，一定有啱口味嘅菜式！今次去呢間中菜館👲🏻，完全係俾佢個糯米炒膏蟹同埋黑松露玻璃燒鵝吸引到，有少少新派中菜嘅感覺！平日夜晚去，都差唔多坐滿晒，圍住張大圓枱吹水食飯，超級熱鬧！餐廳菜式都比較有創意，菜式配搭比較新穎，好有新鮮感，都想試吓！🙈------------------------------🦆◖黑松露玻璃燒鵝◗ $238呢度係例牌嘅份量，佢搽咗啲黑松露去燒，烏卒卒嘅外皮好特別！咬落去啲油脂爆發出嚟，外皮好薄好脆，有淡淡嘅黑松露嘅香味，點埋佢黑松露甜酸醬，油膩感唔會好重，勁香！🐖◖伊比利亞叉燒皇◗ $248叉燒燒到有少少燶邊，幾香口，肥瘦均勻，肉質幾軟腍，如果就咁食嘅話味道偏鹹，送飯或者麵唔錯！🦀◖糯米炒膏蟹◗ $568用咗原隻膏蟹去炒呢個糯米飯，糯米飯炒到有少少飯焦，啲飯粒又唔會好乾，放大啲煲仔飯嘅鑊氣！隻蟹啖啖肉，啲糯米飯撈埋佢嘅蟹膏，鮮甜得黎又鹹鹹香香咁🐟，個人好鍾意，推薦！👍🏻🦐◖金湯海皇豆腐◗ $138大大煲豆腐煲，裏面好足料，有蝦仁、迷你帶子同埋勁多豆腐。金湯煮得好濃厚，好黏稠，落咗少少鹹蛋黃，但個人覺得味道偏淡，打芡打得太多，
------------------------------
🦆◖黑松露玻璃燒鵝◗ $238
呢度係例牌嘅份量，佢搽咗啲黑松露去燒，烏卒卒嘅外皮好特別！咬落去啲油脂爆發出嚟，外皮好薄好脆，有淡淡嘅黑松露嘅香味，點埋佢黑松露甜酸醬，油膩感唔會好重，勁香！
🐖◖伊比利亞叉燒皇◗ $248
叉燒燒到有少少燶邊，幾香口，肥瘦均勻，肉質幾軟腍，如果就咁食嘅話味道偏鹹，送飯或者麵唔錯！
🦀◖糯米炒膏蟹◗ $568
用咗原隻膏蟹去炒呢個糯米飯，糯米飯炒到有少少飯焦，啲飯粒又唔會好乾，放大啲煲仔飯嘅鑊氣！隻蟹啖啖肉，啲糯米飯撈埋佢嘅蟹膏，鮮甜得黎又鹹鹹香香咁🐟，個人好鍾意，推薦！👍🏻
🦐◖金湯海皇豆腐◗ $138
大大煲豆腐煲，裏面好足料，有蝦仁、迷你帶子同埋勁多豆腐。金湯煮得好濃厚，好黏稠，落咗少少鹹蛋黃，但個人覺得味道偏淡，打芡打得太多，變咗一嚿嚿，口感一般～
🥬◖濃湯一級竹笙浸翡翠◗ $168
佢用濃湯浸住啲菜心，菜心口感偏硬；湯頭加咗啲鹹蛋黃，清甜起沙，竹笙吸晒啲湯汁精華，軟腍入味～
食完所有嘢之後，原來佢仲有一個甜品送，係一個3.6牛乳奶凍，奶味香濃微甜，但係口感略為硬咗少少～🙈
🌟Encore指數：8.5/10
张贴
