Table

营业中

休息中

將軍澳呢間cafe每次經過都大排長龍，就知佢一定有過人之處，今次我地排左一陣終於食到佢既lunch。是日餐湯+香蒜牛油手工酸種包今日既餐湯係南瓜忌廉湯，南瓜蓉打到好綿，甜味十足，酸種麵包牛油味突出，麵包煙韌。黑松露牛肝菌雞油菇芝士意大利雲吞平時比較少食意大利雲吞，原來意大利雲吞係咁大粒，入面既餡係包住菠菜芝士，配埋出面既黑松露汁，十分濃厚。炭燒安格斯西冷牛扒薯條西冷扒份量十足，都幾厚身，我地叫左medium，食落牛味濃，相對比較瘦，炭燒味都香。另外，佢地既薯條都好脆口，熱辣辣好食。鹿兒島黑豚餃子以為係傳純日式餃子，點知一上碟就喜出望外，一試原來係腐皮包既餃子，幾新穎有驚喜，鬆脆而唔油膩。美式蜂蜜咖啡用蜂蜜代替糖可以保留到咖啡香又唔會死甜，甜度岩岩好。熱忌廉朱古力燕麥奶咖啡燕麥奶味道唔算突出，反而朱古力可可味就好濃，感覺似mocha。