豊勝手丼 (已搬遷) 新店位置

今日約左朋友出銅鑼灣，行下行下，竟然發現有間不錯的日本料理。首先見到可以自選3種料，選擇多，而且每張相都好吸引。但個人有選擇困難症，最後都係決定從set好既丼飯下手。從眾多選擇中，我最後選左北海蟹丼，因為一碗丼飯可試晒松葉蟹肉，松葉蟹腳，松葉蟹鉗，味噌蟹膏同蟹籽共5款，超吸引！先講隨丼飯附送的前菜，有大大片鴨胸配上蟹籽同沙律菜，一d都唔馬虎！再睇成個餐無論擺盤、賣相都令人流晒口水！食落超鮮甜，特別是蟹膏，好香，好濃，令人回味無窮！