SUL JIB 술집

营业中

休息中

銅鑼灣時代廣場有好多好味嘅餐廳，今次同朋友嚟到SUL JLB。餐廳裝修得好靚，卡位全得舒服。薯仔排骨湯係正宗韓式嘅味道，薯仔嘅清甜令到湯底唔會太咸，同時豬骨嘅味道提升左好多，另外排骨嘅肉又夠軟夠淋，會同時品嘗到更多嘅湯底。最後真係忍唔住飲到一滴不剩。芝士蛋卷要整到嫩滑蛋卷真係一啲都易，要做得厚，但裡面要同外面熟度一致，火喉控制好關鍵。賣相要整得靚更加考功夫。呢個就做得好出色！花卷濟州五花肉賣相十分吸引又可以打下，上檯後職員先開火煎熟五花肉夠熱夠新鮮。配菜方面配搭比較濃味同刺激，可以平衡返五花肉嘅油膩感，真係食多幾塊都唔覺得滯。五花肉係靚嘅，層次分明，所以食油香口感都好出色。