憶食尚臘味煲仔飯

营业中

休息中

原來食煲仔飯都可以好elegant。今日就嚟咗八文樓呢頭，食一間煲仔飯餐廳。餐廳好易搵，係柯士甸站B出口隧道文𠥔街出口一上地面就見到。入到去座位都好舒服，似去食高級粵菜。餐牌唔算多款式，集中食煲仔飯同埋一啲簡單菜式臘腸滑雞煲仔飯🍲正所謂越簡單，越難做得出色。叫返個傳統臘腸滑雞煲仔飯，臘腸偏甜，用茅台製造。一上台會有侍應將葱花同芫荽芫荽放入煲仔飯、再加入特製豉油撈勻，唔洗自己郁手。個飯真係好香，仲有飯焦，冇燶底之餘都唔會好多油蒸鮮醃䱽魚🐠另一個要試吓嘅係呢個用䱽魚做嘅新鮮咸魚。由於醃好短時間，魚鮮有、咸香有、油香都有，簡簡單單蒸出嚟已經好好食。