潮藝館

营业中

休息中

🐻平時我哋都好鍾意食打冷，今次我地就跳出comfort zone,去左位於Isquare嘅新派高級潮州菜，呢到坐得都好舒服，同三五知己小聚都好唔錯，食物方面因為大病初愈，冇叫得太油膩,但都不失美味🐻首先梗係唔少得嚟個滷水鵝,睇餐牌發現佢係用獅頭鵝,油香特別豐富，滷水同平時都好唔同特別入味🐻另外佢個鹹菜豬肚湯佢啲湯水有別於平時奶白色嘅佢係水咁清，但係佢有濃濃嘅胡椒味加埋鹹菜豬肚真係估佢唔到🐻我哋仲嗌咗兩個菜，不過係牛肉炒芥蘭同埋上湯時蔬雖然只係普通嘅菜式，但係個牛肉炒芥又真係非常之好味🐻我地再另外叫咗個鵝肝蜆肉炒飯，粒粒分明嘅黃金蛋炒飯配埋好香濃嘅鵝肝，簡直係舔舔脷🐻甜品叫咗比較少見嘅燕麥一口薯，佢都味道有少少似食緊好立克，入面包住紅薯，一個好特別嘅甜品