影片
更多
2021-12-09
545 浏览
🤍金燕島潮州酒樓 (尖沙咀)🖤尖沙咀寶勒巷18號Oasis Avenue 香港粵海酒店1-2樓呢間酒樓係Oasis Avenue 粵海酒店，一行入lobby位已經好有華麗feel，酒樓裝修好有懷舊古典feel，周圍環境都好有中國風，又有油畫🏞欣賞，餐廳主打潮州菜，感覺好似返咗家鄉咁🥰。一坐低職員一貫慣例會問飲咩茶，呢度同一般酒樓唔同，會先黎細細杯既功夫茶品嘗同有酸菜，開下胃先。竹笙螺頭盅一打開個蓋陣陣清香湯味飄出出嚟，即刻飲啖頭啖湯，入口第一感覺係好鮮甜，而且仲熱辣辣，撈一撈個底，好足料！有螺頭，竹笙，雞肉，龍眼肉、杞子。全部材料都好補，非常豐富嘅湯料，唔怪得啖湯咁先甜啦。川椒雞球雞球醃得好入味而且好嫩口，甜甜地又唔會太濃味，半碟有埋炸過嘅菜好特別，有鹽係面頭，感覺好似食緊韓國紫菜，索索聲。香煎蠔格蠔既份量都好足，基本會但都食到，嗰邊煎得都好脆，內面軟身，食落又脆又軟，蠔唔腥最抵讚👍魚蛋紹菜煲魚蛋係潮州白魚蛋，一咬入口 超！級！彈！牙，真係差d彈出黎😍😍身為魚蛋控嘅我忍唔住搶咗左一半食，紹菜都好嫩口食落無渣，好清甜。鴛鴦甜蒸包包點係綠豆同紅豆糕，層皮係水晶皮，所以好煙韌，普通用筷子篤唔
🖤尖沙咀寶勒巷18號Oasis Avenue 香港粵海酒店1-2樓
呢間酒樓係Oasis Avenue 粵海酒店，一行入lobby位已經好有華麗feel，酒樓裝修好有懷舊古典feel，周圍環境都好有中國風，又有油畫🏞欣賞，餐廳主打潮州菜，感覺好似返咗家鄉咁🥰。
一坐低職員一貫慣例會問飲咩茶，呢度同一般酒樓唔同，會先黎細細杯既功夫茶品嘗同有酸菜，開下胃先。
竹笙螺頭盅
一打開個蓋陣陣清香湯味飄出出嚟，即刻飲啖頭啖湯，入口第一感覺係好鮮甜，而且仲熱辣辣，撈一撈個底，好足料！有螺頭，竹笙，雞肉，龍眼肉、杞子。全部材料都好補，非常豐富嘅湯料，唔怪得啖湯咁先甜啦。
川椒雞球
雞球醃得好入味而且好嫩口，甜甜地又唔會太濃味，半碟有埋炸過嘅菜好特別，有鹽係面頭，感覺好似食緊韓國紫菜，索索聲。
香煎蠔格
蠔既份量都好足，基本會但都食到，嗰邊煎得都好脆，內面軟身，食落又脆又軟，蠔唔腥最抵讚👍
魚蛋紹菜煲
魚蛋係潮州白魚蛋，一咬入口 超！級！彈！牙，真係差d彈出黎😍😍身為魚蛋控嘅我忍唔住搶咗左一半食，紹菜都好嫩口食落無渣，好清甜。
鴛鴦甜蒸包
包點係綠豆同紅豆糕，層皮係水晶皮，所以好煙韌，普通用筷子篤唔爛🥢，個餡唔會好甜，唔會有好膩嘅感覺。
福果清心丸豆爽
黎到最尾已經好飽，但個糖水甜度岩岩好。
如果想同屋企人靜靜食餐飯，呢度都值得一試，裝修格局好和諧，而且菜式又唔重口味，好適合帶埋老人家👩👩👧👦
张贴
