燕窩鷓鴣菇粥
味道非常之香濃，據老闆介紹呢一道菜在古代係達官貴人先會食到嘅菜式，因為燕窩同鷓鴣肉係非常珍貴的食材。除咗口感綿滑，仲食到一種懷舊嘅味道！
順德底撈魚生
撈起撈起如意風生水起非常有好意頭的正宗順德菜式！魚生有鯛魚，油甘魚，好新鮮！食法好特別先撈起魚生 再用生菜包一口白飯 配少少辣椒醬 味道好鮮甜！
味菜炒豬肚尖
炒得好惹味，豬肚尖好爽口 配左酸菜 青椒 芹菜 洋蔥等食材炒 味道令人胃口大開！
紅燒乳鴿
世一乳鴿！ 食法同平時唔一樣，係廣東食法，先浸落秘製嘅滷水汁再滴少許檸檬汁食。真係更加有層次好 入味得黎又唔油膩。好好食！一試難忘！
大同清炒涼瓜
有別於一般大家對苦瓜嘅味道同口感，苦瓜做法係預先一早將苦瓜洗洗啤水至2個鐘先炒！真係唔苦 口感係清爽 仲帶點甘甜！好fresh!
蜜汁火方
經典菜式啊！蜜汁火方配左別於傳統的菠蘿夾在方包同火腿中間～甜酸度適宜帶點鹹香，味道新奇令人回味。
咖喱牛腩配荷葉飯
簡單食材但煮到味道一流嘅大同咖哩牛腩真係好顯大廚功力非凡！咖哩汁唔油膩 牛腩肉嫩多汁 連薯仔都熬得粉 完全同咖哩汁融為一體 再配蒸得口感軟綿嘅荷葉飯食，香氣撲鼻，互相輝映，係高水準嘅咖哩牛腩荷葉飯！必定要黎品嘗！
陳皮紅豆沙
由20年獨家老年陳皮煮成嘅紅豆沙，煲得好沙又香滑，好好食！好出色！
3個字！高水準！
