獅城星馬餐廳 (已結業)

尋日無端端好想食新加坡菜，然後喺社交平台搵吓搵吓見到呢一間獅城星馬餐廳！望落去啲相好似好正咁，所以就約埋朋友過嚟呢度食嘢！！💛💛星洲麥皮大虎蝦 $198呢個麥皮大虎蝦成個賣相好精緻，而且大虎蝦嘅數量都唔少，有少少驚喜！而且呢個用麥皮烹調而成嘅大虎蝦，加咗好多麥皮嘅清香，而且用麥皮做出嚟嘅口感好爽脆！另外呢個大虎蝦亦都好新鮮，好彈牙！然後仲有少少蟹膏一齊食，真係食得好滋味！！💛獅城咖啡骨 $168咁大個女都係第一次食咖啡骨，呢個咖啡骨嘅味道好濃郁，本來以為咖啡骨都只係一個噱頭，但係原來食落去咖啡嘅香味沈左入去豬骨入面！原來係咁夾！值得一試！