夜首爾

营业中

休息中

今晚好懶，有相機係身都無用，本身唔知好唔好食，所以都係求其攞手機影相。同韓國人講開食本家，佢推薦番我話必吃呢間夜首爾，我完全無聽過，同幾個男人食飯，最好就係食呢d咁多肉嘅選擇。佢推介話必食醬油蟹同煎牛腸，前者係超級驚喜，我無食過辣嘅醬油蟹，個汁撈飯可以食十碗。後者真係第一次食到，同福岡嘅牛腸鍋有異曲同工之妙，牛腸煎到爆哂油，加牛肚邊個種咬口，愛重口味嘅朋友一定鐘意。韓牛拼盤當毋庸置疑，生牛肉他他水準都好高。最大驚喜反而係韓式泡菜煎餅，豆腐湯同炒粉絲，全部都係超班演出。但嗰種驚喜令到我食完之後求其幾分鐘打幾隻字，相機啲相唔靚都要擺上嚟，你就知值得推薦下。