捌加廿陸天婦羅居酒屋

营业中

休息中

今晚去咗旺角嘅"捌加廿陸"度食晚餐。充滿日本風特色寄居酒屋，好多唔同類型嘅日式海報，不規則嘅堆砌，成咗特色牆。店內設有樓上雅座，天花亦掛有日式燈籠，好有氣氛。套餐有小青瓜做醒胃前菜，麵豉湯亦都非常香濃。特盛海鮮天丼：黑虎蝦，外皮酥脆蝦肉鮮甜。那哥魚同喜魚，肉質鮮嫩彈牙。帆立貝，非常鮮味，齒頰留香。四季豆，口感清脆。金菇，外脆而內柔軟。白飯份量足，軟硬度適中，有醬汁嘅點綴，增加咗風味。自選天婦羅定食：主角係松葉蟹鉗天婦羅。蟹鉗嘅肉汁甜味，金黃色嘅天婦羅外皮，香脆嘅口感，食完一隻又一隻。豚骨湯烏冬，湯底味道恰到好處，烏冬掛湯入口爽滑，亦帶有蔥香，成碗清曬！