NUTTEA (時代廣場) (已結業)

最近有啲秋意，個人就係想飲啲朱古力啲嘅嘢飲💕好耐無去銅鑼灣，去到時代先發現開咗間nuttea！！！皇牌產品係個伯爵朱古力堅果奶蓋茶，咁緊係要try try佢啦//伯爵朱古力堅果奶蓋茶//一攞到上手見到咁厚嘅奶蓋真係覺得又邪惡又期待。每杯都有附送個mini鏟，但因為係街唔方便，唯有都係用飲管啜。個奶蓋真係超濃朱古力味，同時又又淡淡嘅nutty香。就咁食奶蓋可能會有少少heavy，但配埋個伯爵茶就即刻無晒heavy嘅感覺。輕輕地嘅伯爵茶配香濃嘅朱古力奶蓋，的確係balance到。最後飲晒都唔會覺得十級邪惡😈今次試完一次，終於明點解啲同事咁鍾意買黎飲。下次都join埋佢地試下其他味先🤣