影片
更多
2025-04-20
32 浏览
北角新光戲院係大家集體回憶，好不幸地經營困難已經由三月起結業，連帶旁邊由細食到大嘅陳記魚蛋都面臨結業。起初知道呢個消息都好失落，不過見到有其他媒體介紹原來已經搬遷到旺角道，日後就真係好就腳。今日經過旺角確實想懷緬一番，所以趁收工時間打算買黎當晚餐。見到新店門面乾淨整齊，舖頭比較細但餐牌上既食品種類依舊，當中亦見到熟悉嘅面孔，舊店員工亦有坐鎮，記憶返晒嚟~ 除咗招牌魚蛋外，最出色嘅亦係秘製辣汁。最後點選左魚肉碗仔翅、魚蛋、魷魚、牛柏葉、齋、腸仔、蘿蔔、牛丸、螺肉、燒賣!!! 店員一路同我傾計一路整理食物，等咗大約十分鐘所有食物已經處理完成上枱啦~ 道別後就攞返屋企慢慢嘆，影完相就準備開餐。首先講個魚肉碗仔翅：魚肉份量夠多，魚肉有香濃魚味而且口感彈牙。碗仔翅入面真係絲絲入扣，有粉絲、木耳絲、肉絲、冬菇絲，再加上胡椒粉，完全係傳統嘅味道。其後到陳皮魚蛋：口感偏實身，陳皮味幾重外魚味都好香濃，香港以外嘅地區真係好少搵到呢的質感。牛柏葉：質地夠爽，每塊都比較大令掛汁嘅範圍相對多，口感一流。水魷魚：非常新鮮爽口，特別係魷魚鬚位置掛汁一流，每啖刺激又惹味。齋：即係麵筋，入口完全無油益味，口感煙韌再
今日經過旺角確實想懷緬一番，所以趁收工時間打算買黎當晚餐。見到新店門面乾淨整齊，舖頭比較細但餐牌上既食品種類依舊，
當中亦見到熟悉嘅面孔，舊店員工亦有坐鎮，記憶返晒嚟~ 除咗招牌魚蛋外，最出色嘅亦係秘製辣汁。最後點選左魚肉碗仔翅、魚蛋、魷魚、牛柏葉、齋、腸仔、蘿蔔、牛丸、螺肉、燒賣!!!
魚蛋、 腸仔
$20
6 浏览
0 赞好
0 留言
齋、蘿蔔、魷魚
$40
64 浏览
0 赞好
0 留言
燒賣、牛柏葉、牛丸、螺肉
$51
11 浏览
0 赞好
0 留言
店員一路同我傾計一路整理食物，等咗大約十分鐘所有食物已經處理完成上枱啦~ 道別後就攞返屋企慢慢嘆，影完相就準備開餐。首先講個魚肉碗仔翅：魚肉份量夠多，魚肉有香濃魚味而且口感彈牙。碗仔翅入面真係絲絲入扣，有粉絲、木耳絲、肉絲、冬菇絲，再加上胡椒粉，完全係傳統嘅味道。
魚肉碗仔翅
$26
11 浏览
0 赞好
0 留言
其後到陳皮魚蛋：口感偏實身，陳皮味幾重外魚味都好香濃，香港以外嘅地區真係好少搵到呢的質感。
牛柏葉：質地夠爽，每塊都比較大令掛汁嘅範圍相對多，口感一流。
水魷魚：非常新鮮爽口，特別係魷魚鬚位置掛汁一流，每啖刺激又惹味。
齋：即係麵筋，入口完全無油益味，口感煙韌再加上吸晒所有辣汁，食落夠辣又刺激。
腸仔：十蚊有兩條性價比都相當高，選用嘅廚師腸味道傳統，同其他內地合成肉完全唔同層次。
蘿蔔：大大嚿非常清甜，入口完全無渣，配合辣汁非常惹味。
牛丸：有四大粒性價比都相當高，因為加快烹煮過程所以都有鎅花，掛汁情況更加理想，入口彈牙爽口，係必點之選。
螺肉：之前未食過，不過見到好多食客食，所以都嗌返串。肉質比較爽口而且一粒粒都方便食用，質感鮮甜。
燒賣：喺蒸爐蒸熟，食嗰陣時好燙口，口感彈牙，不過加豉油或辣油會比較建議。
最後不得不提秘製辣汁，由於有三款唔同嘅辣度，而我同另一半都食唔到咁辣，所以最後都叫咗個小小辣。秘製辣汁味道非常濃郁，而小小辣亦帶少少甜好惹味。每次食到個頭都晒出汗，真係好爽食到舔舔脷。大辣我就真係唔敢試啦~ 所有食物加上個辣汁好香濃會令你好想繼續食，的確係值得一試。
陳記魚蛋喺全港有幾間分店都做咗好多年，質素都依舊咁高，依家好多集體回憶慢慢消失，希望大家可以珍惜香港仲有嘅嘢......
张贴
