My Ahjussi (已結業)

大角咀這間韓式小店我吃過幾次，餐牌上的素食菜式大部分都試過，今天特別揀未試過的新豬肉薄餅，估唔到非常有驚喜，批底都好有質素啊！大角咀大全街成條街都係食肆，各種菜式都有，當中似乎日韓美食佔大多數。這間韓國菜開業好一陣子，口碑都唔錯㗎，食飯時間都幾多人幫襯。入面係打卡風的裝修，抬頭滿佈浪漫櫻花，白色主調都幾小清新啦。店內大概有二十零個座位。新豬肉番茄薄餅 HK$118餐牌上的素食選擇有素牛飯卷、素牛飯、漢堡和意粉等，之前聽人話薄餅都好好食，咁今次就試下啦。素食薄餅有新豬肉這款和另一個黑松露野菌，批底並非現在很流行那種脆餅乾底，竟然係真係有發酵那種薄餅，咬落都幾香軟呢。上面滿滿新豬肉之餘，個番茄醬勁香勁惹味，佢係食熱狗茄汁加芥末果種配搭，沒想到用在薄餅上也可以呢！