影片
更多
2012-10-15
97 浏览
今次嘅目標係「港島香格里拉」High Tea! 口碑唔錯, 對佢充滿期望~ 首先講講, 最最最差嘅係張枱!事緣... 冇得訂位, 2點正開始入座, 先到先得~我地到達時只得幾枱客大把位剩, 但係個職員居然帶我地去靠牆邊嘅小圓枱, 冇景之餘, 其他小圓枱只有2張櫈, 呢張靠牆仲要放3張櫈! 我望下張枱, 都放唔到3人Afternoon Tea, 個職員日日係度返工, 冇可能唔知呀嘛?!同職員理論, 個Point好簡單, 我地食High Tea, 呢張枱點放得落2套High Tea架, 3杯飲品, 3套茶壺, 3隻碟, 3套餐具!職員聽完就話只可以轉門口嘅小方枱, Sofa長枱係比多人嘅客! 查實張小方枱都唔大得好多, 無奈接受~後來, 有1家3口外國客都有得坐Sofa長枱, 只係幫襯2份High Tea, 點計都係我地付出多d錢啦, 要我地做擠迫戶, 對我地好唔公平囉!之後, 有1同胞都坐Sofa長枱, 只係飲1杯橙汁!再之後, 有4位本地客都係坐Sofa長枱, 佢地有外傭同幼童, 只係幫襯2份High Tea, 張枱鬆動到離奇, 佢地真係嘆緊High Tea囉, 再望吓自己... 咁算
事緣... 冇得訂位, 2點正開始入座, 先到先得~
我地到達時只得幾枱客大把位剩, 但係個職員居然帶我地去靠牆邊嘅小圓枱, 冇景之餘, 其他小圓枱只有2張櫈, 呢張靠牆仲要放3張櫈! 我望下張枱, 都放唔到3人Afternoon Tea, 個職員日日係度返工, 冇可能唔知呀嘛?!
同職員理論, 個Point好簡單, 我地食High Tea, 呢張枱點放得落2套High Tea架, 3杯飲品, 3套茶壺, 3隻碟, 3套餐具!
職員聽完就話只可以轉門口嘅小方枱, Sofa長枱係比多人嘅客! 查實張小方枱都唔大得好多, 無奈接受~
後來, 有1家3口外國客都有得坐Sofa長枱, 只係幫襯2份High Tea, 點計都係我地付出多d錢啦, 要我地做擠迫戶, 對我地好唔公平囉!
之後, 有1同胞都坐Sofa長枱, 只係飲1杯橙汁!
再之後, 有4位本地客都係坐Sofa長枱, 佢地有外傭同幼童, 只係幫襯2份High Tea, 張枱鬆動到離奇, 佢地真係嘆緊High Tea囉, 再望吓自己... 咁算點先?!
2份傳統下午茶, 加埋1份朱古力配香莓下午茶, 食物上枱時, 一片混亂!
職員明知唔夠位, 夾硬放低2個High Tea架, 插咗落我地d碟度, 居然仲用架腳推開d碟, 唔係用手嘅喎! 我被2座架圍起, 完全望唔到朋友, 點傾計呀?! 有冇考慮我嘅感受?! 而且高級酒店, 餐具擺位理應好講究, 職員夾硬將d餐具推埋枱角, 朋友被迫側身坐埋去枱角度碟貼碟咁食, 茶餐廳咩?!
張枱細, 可否動動腦擺好少少呢?! 如果食物放右邊, 餐具放左邊, 成件事會好好多囉! 職員夾硬放低即走, 我地係迫到郁一郁d餐具就跌咗落地, 未試過食High Tea食得咁唔High囉!
唉~
環境就真係Wonderful嘅, 落地玻璃外面係翠綠嘅公園, 仲有棵百年嘅老榕樹, 係如此靚景之下嘆下午茶原本係人生一大樂事!
大堂嘅特高樓底襯奧地利水晶燈, 現場鋼琴小提琴合奏, 簡直完美! 可惜... 張枱太細, 扣分!好, 介紹吓我份「朱古力配香莓下午茶」先~
(頂層) Strawberry cheese cake
--極濃郁嘅芝士味, 可惜芝士蛋糕唔係我杯茶, 極力推薦朋友試少少, 大家都讚不絕口!
Rich chocolate macaroon
--鬆脆嘅外殼, 包住超特濃嘅朱古力軟心, 好好好味呀!
Mozart
--用上頂級產地Jivara嘅可可豆, 就連頂級手工製Valrhona朱古力都係用佢, 軟滑香郁, 同脆米餅底構成雙重口感, 美味非常, 難怪可以成為Signature Cake~
(中層)可憐我份High Tea, 上演一幕「鬆餅」圍城, 曲奇仲餅踩餅, 嗚嗚... 其他枱嘅鬆餅係用滕藍上, 佢居然將3份鬆餅夾硬塞晒入我份High Tea嘅中層... 我呢份High Tea... 一d都唔High!
聯想到N年前"Pizza黑"嘅自助沙律, 客人瘋狂咁塞d材料入一個碗仔度, 塞到爆晒, d食物就跌出o黎先罷手~
Soft chocolate sponge & cookies--好可憐嘅蛋糕, 我救佢出o黎時, 刮花咗塊面... 蛋糕鬆軟, 朱古力香濃, 再食10件都冇問題... 曲奇就一般啦~
Raspberry mille feuilles
--對吉士一向麻麻, 再加上一向避之則吉嘅拖肥, 居然產生微妙嘅化學作用, 出奇地美味... 吉士幼滑香軟, 酥皮甘香鬆脆, 紅莓中和吉士嘅甜, 怕甜怕膩嘅朋友可以一試~
Berry tartlet
--一向都係搶手貨嘅果撻, 其實我唔係咁鐘意食, 跟人搶埋一份都係因為佢外型可愛~ 呢個果撻真係好靚, 我決定將佢微型粘土化, 哈哈~
而家寫Blog睇番個餐牌, 見到有Crispy cones w/ chocolate & berry mousse, 點解我冇嘅?! 當時見到有好多超可愛嘅迷你雪糕桶仔不斷拎出o黎, 唔係枱枱有, 仲諗係小朋友先有, Oh No! 到底「誰搬走了我的Crispy cones」?!
(消失的滕藍)暖提子及原味烘鬆餅配士多啤梨, 香橙果醬及忌廉
--鬆餅要趁熱食, 可惜放咗好耐先食, 已經唔再暖, 但係都好好味, 牛油味好重, 唔乾身, 蘸士多啤梨果醬一流, 蘸cream反而格格不入~
(底層) 煙三文魚香草忌廉四穀包
--香草忌廉很淡, 煙三文魚冇煙燻味, 整體味道唔係太突出~
蛋沙律, 青瓜及沙律菜軟包
--最愛蛋沙律嘅我, 當然鐘意食啦~ 蛋沙律中間加咗一層青瓜, 咬落脆脆地, 同平時軟淋淋嘅口感好唔同, 好特別~
燒牛肉芥末沙律醬麥包
--芥末沙律醬頗特別, 有青芥末的香味, 但不辛辣, 味道唔錯, 燒牛肉冇味, 麥包乾咗少少~
白菌雞撻
--白菌味道很淡, 雞肉嚡如火雞, 撻皮頗鬆化, 惜牛油味不特出~
朋友嘅「傳統下午茶」, 味道同外型一樣出眾, 分別主要在於糕餅及曲奇餅~
(頂層) Raspberry marechaux, Mango pistachio tart, Strawberry fruit tart~
(中層) Paris Brest, Caramel Macaroon, English fruit cake & shortbread cookies~飲品選擇多, 中式有獅峰明前龍井、極品白牡丹、猴子採觀音王、特級滇紅、陳年貢品普洱、銀亳香片, 西式有Ronnefeldt, 咖啡係Lavazza, 仲有熱朱古力~
我揀咗Ronnefeldt Rose Tea with Petals, 以為會見到d玫瑰花, 原來係睇唔到嘅! 茶香夾雜玫瑰香, 難怪d貴族日日都要High Tea, 因為... 呷一口玫瑰花茶, 香味直衝大腦, 果種感覺真係好High~雖然我好憤怒, 但係坦白講, 佢d餐具都好精緻, 絕對配得起個High字~ 就從佢個位咁迫都仲提供茶隔, 茶壺又有布套包住以防燙手, 種種細微之處, 可見一斑~
佢d服務又OK, 間唔中會自動斟下茶, 加下熱水~
我地由2點幾坐到5點幾, 全場爆滿, 都冇人趕我地走~
原本... 食物味道、環境、服務都係5粒星, 但係迫我地做「擠迫戶」, 全部要減1粒星!
.
张贴
