李家 (華發大廈)

营业中

休息中

呢間嘢真係出名到唔洗點介紹都得，佢哋韓式炸雞基本上小編真係每個月都會食幾次，大佬啊呢個價錢有呢個質素呢個水準嘅炸雞真係滿分爆分咁款。-半半炸雞 （原味/甜辣）8⃣佢哋真係提供好多款唔同口味嘅炸雞，如果真係要小編誠心推薦嘅話咁就會係甜辣同埋原味，呢個半半炸雞真係一次滿足小編兩個願望仔。炸粉份量用得適當，雞肉即使炸好耐都依然肉汁爆棚。
-泡菜餅 9⃣小編真係好鬼鍾意食佢哋嘅泡菜餅尤其係呢啲熱到嘔嘅天氣，酸酸辣辣真係好鬼開胃不講經。佢哋將呢個餅煎到脆卜卜，一咬落去就即刻feel到泡菜嘅爽脆，小編真係基本上每次都會order。-芝士蛋餅 9⃣呢個真係一定要嗌好味到離晒譜！唔好睇呢個蛋餅外貌平平，一刀切落去啲芝士真係如泉湧，拉晒絲問你點頂得緊！一啖食落去真係以為飛咗去韓國咁，滿足感真係滿到瀉。