影片
更多
2022-07-14
177 浏览
【尖沙咀】夜首爾即興嚟到尖沙咀寶勒巷一間新開無耐嘅韓國餐廳，晚市時段去因為無book位大概等咗15分鐘左右，前枱接待我哋嘅係一位韓國人。餐廳整體裝修感覺和諧，座位寬敞配以大大張韓用餐枱，感覺仿如去咗明洞嘅宵夜之地。落單後首先附送8份小菜，我非常鍾意涼拌蒟蒻，平時比較少食，而且好適合夏天食！✨特級雪花牛肉 180g $250喺餐牌上價格比較相宜嘅牛款，食落肉質都不錯，脂肪分布平均，肉味濃郁。店員仲主動替我哋燒好，全程只需坐底等食。😆✨醬油蟹 $250/1 ; $460/2嗌咗2隻醬油蟹，因為蟹季未到所以蟹形未算大，嗌咗一人一隻（唔使爭蟹蓋）✌🏻不過只係配一碗飯，我哋都加多咗一碗。醬油味偏淡，勝在蟹夠新鮮，完全不腥。蟹膏表現都幾好，因為醬油偏淡更食到膏味，撈埋做拌飯食到停唔到，期待蟹季再嚟多次。👉🏻呢餐人均三百幾，食燒肉又食到醬油蟹。兩個人食啱啱好，原本想嗌多杯嘢飲收尾都飲唔落🤣下次嚟嘅話想試韓牛同埋特別餐牌上嘅明太子拌飯！😆📍夜首爾尖沙咀寶勒巷13-15號寶力大廈地舖
即興嚟到尖沙咀寶勒巷一間新開無耐嘅韓國餐廳，晚市時段去因為無book位大概等咗15分鐘左右，前枱接待我哋嘅係一位韓國人。
餐廳整體裝修感覺和諧，座位寬敞配以大大張韓用餐枱，感覺仿如去咗明洞嘅宵夜之地。
落單後首先附送8份小菜，我非常鍾意涼拌蒟蒻，平時比較少食，而且好適合夏天食！
✨特級雪花牛肉 180g $250
喺餐牌上價格比較相宜嘅牛款，食落肉質都不錯，脂肪分布平均，肉味濃郁。店員仲主動替我哋燒好，全程只需坐底等食。😆
✨醬油蟹 $250/1 ; $460/2
嗌咗2隻醬油蟹，因為蟹季未到所以蟹形未算大，嗌咗一人一隻（唔使爭蟹蓋）✌🏻不過只係配一碗飯，我哋都加多咗一碗。
醬油味偏淡，勝在蟹夠新鮮，完全不腥。蟹膏表現都幾好，因為醬油偏淡更食到膏味，撈埋做拌飯食到停唔到，期待蟹季再嚟多次。
👉🏻呢餐人均三百幾，食燒肉又食到醬油蟹。兩個人食啱啱好，原本想嗌多杯嘢飲收尾都飲唔落🤣
下次嚟嘅話想試韓牛同埋特別餐牌上嘅明太子拌飯！😆
📍夜首爾
尖沙咀寶勒巷13-15號寶力大廈地舖
张贴
