芝加哥串燒酒場 (太和中心)

最近放假都返深圳吃喝玩樂，好耐都冇係香港食晚飯，今日想食串燒但又唔想特登返大陸，所以收工即刻叫埋朋友仔嚟聚一聚，芝加哥係我心目中 No.1 嘅香港串燒店。食物款式比以往更多，而且無咩點加價非常有良心，星期一至日每日都有指定啤酒買一送一優惠。🍆 招牌茄子燒時間燒得啱啱好，肥大肉厚食起嚟唔乾身。🐟 招牌無骨白鱔必叫，魚皮燒到脆卜卜，魚肉軟嫩多汁，而且最緊要就係冇骨。🦀 味噌甲羅燒超多蟹膏，味道濃郁鮮甜。🍗 雞肉棒軟骨超級好食 🤤 食到粒粒雞軟骨，口感豐富又多汁，最後食咗五條。每款串燒同食物都好正，朋友亦讚不絕口，超級滿足 🥰 一晚就食勻晒豬、牛、雞、魚、海鮮同蔬菜。