影片
更多
2022-02-19
676 浏览
終於都有藉口試這間得意蛋糕店了！一直都有留意 Twinkle Baker Decor 的特色造型蛋糕，終於等到有朋友生日可以訂蛋糕。我特登揀左佢最鍾意的草莓口味，配埋粉紅少女心造型影相一流，今時今日食蛋糕點可以無打卡相架？選了旺角朗豪坊分店取蛋糕，地鐵站出口直達，落雨都唔駛驚，交通夠晒方便。未入門口已經俾蛋糕櫃的蛋糕吸引視線，粉粉嫩嫩的顏色和卡通造型都好精緻啊！店內裝修亦不馬虎，由黑白格子地板到霓虹燈版到卡通公仔處處有特色。整間店都走可愛路線。門市原來有杯子蛋糕賣，12件仲有95折，口味都好有創意喎。現場可以看到各款蛋糕的實物，睇定款下次再買。預訂的蛋糕裝在精美紙盒內，其中一面透明可以望到蛋糕，拎住都特別開心。紙盒幾實淨，手提拿回家完全不用擔心撞壞。粉紅甜心 HK$388 (4.5吋)蛋糕焦點絕對係枝霧面心心糖，它是一整枝插在蛋糕中間，可以單獨拎住影相都ok。切落去先發現蛋糕外層唔係翻糖而係朱古力淋面，中間一層黃色一層粉紅色層次分明，再夾雜草莓慕絲、草莓果醬和新鮮草莓，酸酸甜甜味道清新。水滴形的又原來唔係蛋白餅，而係手工棉花糖，一路食一路有驚喜。原味海綿蛋糕和草莓慕絲夾層層次分明，手工
終於都有藉口試這間得意蛋糕店了！一直都有留意 Twinkle Baker Decor 的特色造型蛋糕，終於等到有朋友生日可以訂蛋糕。我特登揀左佢最鍾意的草莓口味，配埋粉紅少女心造型影相一流，今時今日食蛋糕點可以無打卡相架？
選了旺角朗豪坊分店取蛋糕，地鐵站出口直達，落雨都唔駛驚，交通夠晒方便。
未入門口已經俾蛋糕櫃的蛋糕吸引視線，粉粉嫩嫩的顏色和卡通造型都好精緻啊！
店內裝修亦不馬虎，由黑白格子地板到霓虹燈版到卡通公仔處處有特色。
整間店都走可愛路線。
門市原來有杯子蛋糕賣，12件仲有95折，口味都好有創意喎。
現場可以看到各款蛋糕的實物，睇定款下次再買。
預訂的蛋糕裝在精美紙盒內，其中一面透明可以望到蛋糕，拎住都特別開心。紙盒幾實淨，手提拿回家完全不用擔心撞壞。
粉紅甜心 HK$388 (4.5吋)
蛋糕焦點絕對係枝霧面心心糖，它是一整枝插在蛋糕中間，可以單獨拎住影相都ok。切落去先發現蛋糕外層唔係翻糖而係朱古力淋面，中間一層黃色一層粉紅色層次分明，再夾雜草莓慕絲、草莓果醬和新鮮草莓，酸酸甜甜味道清新。水滴形的又原來唔係蛋白餅，而係手工棉花糖，一路食一路有驚喜。
原味海綿蛋糕和草莓慕絲夾層層次分明，手工好細緻喎！中間的草莓果醬酸調為主，仲咬到新鮮草莓粒，平衡返甜美的朱古力外層。
食完即刻望下日曆，幾時又有朋友生日可以訂蛋糕先！
张贴
