華達台灣小食

值得支持的小店，兩餸麵嘅餸，雖然唔係好吸引，但係$38，有一杯咁高質嘅檸檬茶，基本上我覺得個碗麵係陪襯，只係收你$15，咁樣就覺得抵到爛。好耐之前嚟過一次，佢而家多咗有飯嘅款式，不過哥哥仔收錢嘅模式係比較特別，如果唔跟Menu叫，就最好問清楚幾多錢，好似我今日，問可不可以就咁叫豬軟骨米，最後佢收$49，又無端端加隻煎蛋俾我（我冇話要蛋），本身我就預兩餸麵$30 加$15 （$45 ），不過都好食，就算啦，見佢一個人，做到好似冇乜心機咁，嗰幾蚊就算啦。但如果大家係介意，就記得要溝通清楚。

$108