華達台灣小食

值得支持的小店，兩餸麵嘅餸，雖然唔係好吸引，但係$38，有一杯咁高質嘅檸檬茶，基本上我覺得個碗麵係陪襯，只係收你$15，咁樣就覺得抵到爛。好耐之前嚟過一次，佢而家多咗有飯嘅款式，不過哥哥仔收錢嘅模式係比較特別，如果唔跟Menu叫，就最好問清楚幾多錢，好似我今日，問可不可以就咁叫豬軟骨米，最後佢收$49，又無端端加隻煎蛋俾我（我冇話要蛋），本身我就預兩餸麵$30 加$15 （$45 ），不過都好食，就算啦，見佢一個人，做到好似冇乜心機咁，嗰幾蚊就算啦。但如果大家係介意，就記得要溝通清楚。…查看更多

唔想行太遠但又想食特色多人味？「華達台灣小食」真係條街坊隱世小店，位於柴灣小西灣道，主打台式車仔麵、多款丸類、台灣腸、手打飲品，鋪面雖細但就係咁有港味同價值感。佢哋嘅車仔麵最大吸引力係配料超多選，丸類有爆漿鯊魚丸、貢丸、牛丸、肉燕餃、台式雲吞等，嗰種一口一爆、口感多層次；我最鐘意係爆漿丸，咬落真係汁爆出黎，好爽！如果唔想丸丸玩齊晒，又可以揀米線或者油麵配其他台式餸例如豬手飯／蠔仔粥，滿足感好足。仲有一樣絕對不能錯過係佢嘅，湯底帶濃郁沙嗲香，一碗送到就聞到撲鼻；麵線爽滑又唔會糊，配料多元真係食得過癮。飲品方面，超級清新醒神，跟餐只係加 $8，但幫整交到解膩又刺激味蕾，非常醒胃。價錢非常親民：一碗麵／米線大約 $30–40，加埋爆漿丸／台灣腸，連飲品都只係 $50 以下，人均慳到有 soul。再加上店員友善，間唔中仲會同客人吹水講舊日柴灣小店故事，超有人情味。總括嚟講，「華達台灣小食」係一間有溫度、有特色，而且唔洗踩大價嘅台式好去處：丸款爆汁、麵線香滑、飲品清爽、人情滿載，下次想食台式 street-food，冇得輸！…查看更多

#豬同鴨講 #Pig2duck 🍜 屹立喺小西灣超過十年，搬過鋪兼轉咗手都依然深受街坊歡迎 🙌👍 欣賞小店肯創新，加入多款小食同手打檸檬茶 🥤 不過質素同態度方面略有參差 🙊▫️【 兩餸麵 】 HK$30 沙嗲湯+$3 ：食過幾次覺得比以前淡味左 🥘 嘗試要求比多啲沙嗲湯 🗣️ 回覆＂份量set死左無得加＂😓 小店唔係大財團，應該以人為本啲可以變通❌貢丸：以前既貢丸係有餡 😛 依家可能來貨唔同左，改左名叫BBQ貢丸，食落係普通貢丸 🍢爆醬鯊魚丸：直頭消失埋，無依個選項 🫥 咬落有餡爆汁 💦往事只能回味 😢▫️【 豬肉軟骨餃子 】 HK$24🥟 長條型炸得脆，入面應該係韭菜同豬肉 🐖▫️【 孜然炸雞粒 】 HK$20🐓 一份有4粒，大大粒，不過有啲乾 👅▫️【 台灣香腸 】 HK$12🎖️ 招牌必點，台灣香腸甜甜地 同有咬勁 🦷▫️【 椒鹽炸雞卷 】 HK$14🤔 有啲似酒樓既腐竹卷，椒鹽比較重口味 😆▫️【 招牌手打檸檬茶 】 跟餐+$8 🍋 夠清新解膩，建議大家一定要加錢轉手打檸檬茶 ‼️▫️▫️完！▫️▫️…查看更多

呢排可能經濟差呢間店轉左兩送麵，價錢係好抵，但有個唔老實既經歷，叫左兩送麵但收左我三送錢，問店員原因話以為我係想額外叫多個送 即A+A 兩份再加B變三送，大佬你明碼實價寫明兩送麵，有無可能咁樣get錯我意思？？？明白依家飲食難做 唔同佢拗我就當係個間鋪無錢交租但唔會再食…查看更多

下午炎熱！胃口唔好！就去了台式麵食！選擇也多！而且滿座！先選豬骨湯、油麵爆漿貢丸、台式雲吞只需$26入口好味道！清清地，夏天食至啱！加$8招牌手打檸檬茶即叫即整，好味道，真係每檯食客也叫！…查看更多

中學時代就開始食的店鋪，仲記得果時舊鋪係富景，即而家位置斜對面。畢業後都間中會黎食，近排得知老闆要退休啦（其實印象老闆同老闆娘無老過咁，都係咁既樣）做到3月20日，所以呢一日行完山就同男朋友過黎食例牌，B類 一款爆醬丸 + 台灣腸，台灣腸係鐵膽，食咩丸就睇果下心情(˶‾᷄ ⁻̫ ‾᷅˵)今次叫左爆醬鯊魚丸，通常叫丸，老闆會加一兩粒小丸。男朋友第一次食，係我強力推薦下叫左千層腸+佢想食既雞翼。千層腸係A類，貴果邊既餸，我平時都好少叫🤭無論叫咩餸，湯底一定要係沙嗲好食🫶🏻除左食回憶，味道都係咁好👍🏻老闆退休後會轉手，希望仲保持到…查看更多

其實沒想到小西灣還頗多粉麵店的，今天就和妹來到其中一間。座位並不太多，大概主要都是做外賣的生意吧!? 雖然有三類，但頭兩類都是自選粉麵和餸~較特別的是這裡除了平常會有的油麵、米粉外，還有麵線!最後一類則有炒麵、粥，就小店來說～選擇還滿多嘛A類. 雜丸 + 油麵 ($35) - A類其實可以選兩款餸，不過選雜丸例外。雜丸包括爆醬貢丸、爆醬鯊魚丸、爆醬牛丸、爆醬髮菜丸、肉燕餃、台式雲吞和小鯊魚丸。這個餸真的超豐富！怪不得只可以單選~ 喜歡吃丸的朋友可選這個，每款丸的味道都不一樣喔油麵的麵硬度剛剛好，如果加辣油來吃就十分惹味! 另菜底是本身有的。A類. 蠔仔 + 豬雜 + 米粉 ($35) - 蠔仔不會很雕腥，而且還頗飽滿喔！不過豬雜就好韌...少點牙力都好難咬開囉…查看更多

呢一間係台式嘅車仔麵非常之特別我就多數會叫呢度嘅麵線我覺得呢度嘅麵線非常之好食而且我通常會加做沙嗲湯底令到成個湯升華咗而且配料方面佢個雜丸係非常之抵食有超級多嘅台灣丸…查看更多

平時最常食的都是蠔仔粥，貪它外賣份量一樣足料，又熱辣辣。最喜歡它牆上貼了不少食物相，可以參考下怎配搭，難得今次堂食，我就試了點不一樣。B類 (鯊魚粳/ 台式香腸) 麵線+$2 ♥♥♥♥ 與以前食過，整碗都糊得像羹的麵線不同，你還可以清楚看到清湯和黏成一團的麵線是完全分開的。雖然麵線"自成一球"有點難分難離，但食著意外地很爽口，然後發現好像食不完一樣，只可以把麵條咬斷。說回重點，除了挑選了的配料還放了不少生菜，吸收了湯汁非常棒。鯊魚粳，只看名字真的沒想到它長得像魚丸，雖然很陣牙，但口感比較像魚肉。台式香腸，很難說得出台式具體的分別在哪，但脆皮入面的肉汁，比平時拿來燒烤的那些款式要多、也甜。有機會應該直接點烤台式香腸。那麼多款式可以挑，到底要花幾年、食多少次才可以試完全部?別說珍珠奶茶也已經有5款...…查看更多

食過呢間米線好多次呀，最鍾意食嘅餸就係臺灣腸同埋金錢肚，價錢大約30元左右，大家如果經過嘅話可以去食下。我細個十幾歲嘅時候呢間鋪頭已經開咗，大大話話呢間鋪都有十幾年喇，都算係老字號嚟嘅。…查看更多

呢間店鋪望落冇麥特別，但對某人黎講有一種特別既情懷。話說有對小情侶讀書果陣好窮，窮到出面食飯都要二個人share一碗麵，坐車要坐最平，出面永遠唔買飲品只會自備水。有一日，小情侶黎到呢間店，好鍾意食腸仔既男方問老闆一條台灣腸幾錢。原來要5蚊一條，初初諗住聞下味就當食左，點知老闆除左遞上order好既麵，仲送上腸仔一條，仲要切好俾小情侶share食。一切盡在不言中。轉眼間，13年過去了，台灣餐廳不再係富景營業，改左係富欣度做生意。是次重臨，老闆依舊好客；沙嗲麵線依舊好食；小西灣獨有的人情味從來不變。…查看更多

屋企樓下一直有間台灣野，呢間係專食麵線同出名台灣爆漿牛丸，令我會諗起周星馳個套「食神」以為一直只可以堂食，原來可以外賣自取，打個電話轉頭5分鐘落去就有得攞，好方便。價錢方面其實幾平，佢分為A,B類，A類會比較貴啲，例如雜丸，蠔仔等等，於是我叫左個鯊魚先台灣去食沙嗲湯底麵線，夾埋都只係$30。一食第一啖面先同台灣嗰啲冇乜分別，同沙嗲湯底好夾，麵線索哂沙嗲味，鯊魚簽係老闆娘介紹，我本身都未聽過，雖然都係唔知咩嚟，但口感唔錯，可以一試so far又平又好食，極力推介！！！…查看更多

又黎小西灣食好野😼😼今日係黎食台灣麵食！好多客人來支持小店！ 地方不是很大， 所以要等一等。 老闆娘好友善！雜丸河粉可以一次過試唔同的丸，好特別的，有豬肉丸、牛丸、餃餃，好豐富！我們都食得好飽好滿足😝😝👭👭豬雜麵我朋友食這個豬雜麵 都係咁多碗，好多不同豬內臟，喜歡豬雜的朋友一定要一試，正呀！…查看更多

想食台灣米線嘅，黎呢間就冇錯喇！每次食都會叫豬牛肉羹加條台灣香腸。原因係咩？因為我個人真係好鐘意台腸。佢由一路喺到燒緊嘅機入面熱辣辣咁拎出黎，每啖都肉汁鮮嫩，加埋豬牛肉羹米線，都幾爽口。每次食完都舔舔脷…查看更多

小西灣住宅居內不少平民食店，這間小店位於大路地下，前後也有其他小食店。午飯時間較多學生排隊，因為座位只有十多個，所以外賣會較省時。而食物方面，最特別的是有很多醬爆丸，還有台灣腸和珍珠奶茶等台式飲品。我今次點了豆卜、冬菇和醬爆貢丸沙嗲湯米線，份糧十分多，還附送了生菜底和魚肉丸。可惜湯底味精過多，吃後十分口渴，不過石卜十分入味，而且還有六粒完整大大粒的！:)P.S. 夏天較炎熱，而且店裏冷氣十分弱，怕熱的朋友要注意。…查看更多